Texnologiya ta`limi praktikumi (chilangarlik) fanidan

Parmalash stanoklari har xil konstruksiyada bo’lib, ular NS-12A tipidagi stolga o’rnatiladigan parmalash stanogi, 2125 yoki 2A125 tipidagi vertikal parmalash stanogi, 2N55 tipidagi radial parmalash stanogi, to’rt shpindelli yoki ko’p shpindelli parmalash stanoklaridir.
Slesarlik o’quv ustaxonalarida NS-12A tipidagi stolga o’rnatiladigan parmalash stanogidan foydalanish mumkin. Bu stanok diametri uncha katta yuo’lmagan (15 mm gacha) teshik va uyalar parmalash uchun mo’ljallangan. O’quv ustaxonalarida bu xildagi stanoklardan kamida ikkita bo’lishi maqsadga muvofiqdir.
Ular tuzilishining soddaligi, ishlatilishining osonligi bilan boshqa stanoklardan farq qiladi.
Stanokning asosiy uzel va qismlari quyidagilardan iborat: plita (stol0. unga kronshteyn yordamida o’rnatilgan kalonka. Kalonka kronshteynda o’z o’qi atrofida aylana oladi. Bu shpindelni (parmani) plitadan tashqariga burib chiqarish bilan stolga chig’magan detallarni parmalash imkonini beradi. Bunday hollarda ish tugagach, qalonkani burib asli holiga keltiriladi va gayka yordamida kronshteynga qotirib qo’yiladi. Kolonka bo’ylab ko’tarish mexanizmi (reykali uzatma) yordamida konsol (xobot) vertikaml yo’nalish bo’yicha yuqori ko’tariladi va pastga tushiriladi. Konsol bilan birgalikda elektr dvigatel va shpindellar ham ko’tariladi. Bu narsa har xil qalinlikdagi detallarni stol ustiga o’rnatib parmalash imkonini beradi. Konsol kerak balandlikka ko’tarilgandan so’ng qotirish vintini burab, kolonkaga mahkamlab qo’yiladi. Shpindelning konsolga nisbatan surilishi dasta bilan boshqariladi va shu yo’l bilan patronga o’rnatilgan keskich asboblar (parma, zenker, razvyortka va boshqalar)ni detalga botirib, kesish tishlari bajariladi. Elektr dvigatel yurgizish knopkasi bilan boshqariladi. Undagi harakat pog’onali shkiv yordamida o’zgartirilib, tasmali uzatma orqali shpindelga uzatiladi. Ish vaqtida ro’y beradigan ko’ngilsiz hollarning oldini olish uchun tasma ihota to’sqichi bilan o’rab qo’yiladi.
Slesarlik o’quv ustaxonalarida parmalar va parmalash moslamalari bilan bir qatorda turli maqsadlarda ishlatish uchun zenker, zenkovka, razvyortka kabi keskich asboblar ham bo’lishi kerak.