Texnologiya fanini o‘qitishda innovatsion pedagogik texnologiyalar

Bilim – shaxsning ongida tushunchalar, sxemalar, ma’lum obrazlar ko‘rinishida aks etuvchi borliq haqidagi tizimlashtirilgan ilmiy ma’lumotlar majmui.
Ko‘nikma – shaxsning muayyan faoliyatni tashkil eta olish qobiliyati.
Malaka – muayyan harakat yoki faoliyatni bajarishning avtomatlashtirilgan shakli.
Ma’lumot – ta’lim-tarbiya natijasida o‘zlashtirilgan va tizimlashtirilgan bilim, hosil qilingan ko‘nikma va malakalar hamda tarkib topgan dunyoqarash majmui.
Rivojlanish – shaxsning fiziologik va intellektual o‘sishida namoyon bo‘ladigan miqdor va sifat o‘zgarishlar mohiyatini ifoda etuvchi murakkab jarayon.
O‘qitish - ta'lim oluvchilarning bilish faoliyatini boshqarishga qaratilgan o‘qituvchining faoliyati.
O‘qish - milliy qadriyatlarni, fan-tеxnika sohasidagi yutuqlarni, tajribalarni o‘rganishga, tushunishga, tafakkurni rivojlanishiga, mustaqil fikrlashga va ulardan hayotda foydalanish uchun ko‘nikma va malakalarni shakllantiradi.
Iroda - insonning o‘z-o‘zini boshqarish qobiliyati tashqi va ichki to‘sqinliklar, ta'sir va da’vatlarga qaramay, o‘z xulq-atvori va hatti-harakatini ongli ravishda boshqarish.
Qiziqish - qandaydir faoliyatga bеrilganlik, o‘zi uchun yoqimli mashg‘ulot, bo‘sh vaqtdagi ko‘ngilga yoqqan ish bilan shug`ullanish; ba'zan - “mo‘jizakor” faoliyat.