Texnologiya fanini o‘qitishda innovatsion pedagogik texnologiyalar

AMALIY MASHG’ULOT № 17

Mavzu: Ta’lim texnologiyasi pedagogik tizim elementlari.
Mashg’ulot maqsadi: Pedagogik tizim elementlari, texnologiya darslarini texnologiyalashtirish usullarini o’rganish.
Foydalanuvchi vositalar: texnik vositalar, ko’rgazmali vositalar, yordamchi vositalar.

Asosiy qism

Pedagogik texnologiya usuli tizimli, texnologik yondashuvlarga asoslanadi. Sistema /tizim/ yunoncha so‘z bo‘lib, yaxlit tuzilma, qismlardan tuzilgan, birikkan ma‘nosini anglatadi.
Pedagogik tizim-pedagogik texnologiyaning asosi, zamini hisoblanadi. Pedagogik tizim-bir butun, harakatlanuvchi yaxlit ijtimoiy-pedagogik hodisa bo‘lib:
o‘quvchi /1/,
Ta‘lim-tarbiyaning maqsadi /2/, mazmuni /3/, o‘quv jarayoni /4/, o‘qituvchi yoki texnik vositalar /5/, ta‘lim-tarbiyaning tashkiliy shakllaridan /6/ tuzildi.
Ta‘lim tarbiyaning maqsadi ob‘ektiv harakterga ega. U har bir jamiyatning moddiy va ma‘naviy ehtiyojlaridan hosil bo‘ladi, ijtimoiy buyurtma sifatida davlat hujjatlarida umumiy tarzda ifodalandi. Ta‘lim-tarbiyaning maqsadi tizim xosil qiluvchilik xususiyatiga ega. Pedagogik tizimning barcha qismlari ta‘limning maqsadiga bog‘lik va uni ruyobga chiqarishga xizmat qiladi. Shaxsni, mutaxassisni shakllantirish maqsadi ta‘limning mazmuni /o‘quv rejasi, o‘quv dasturi, darsliklar/ni belgilaydi.