Texnologik mashinalar va jihozlar

Purkovchi absorberlar. Bu turdagi qurilmalar suyuq fazani - gaz oqimiga purkab berish usuli yordamida amalga oshiriladi. Purkovchi absorberlarga misol bo‘la oladigan eng sodda konstruksiyasi 20-rasm keltirilgan.
Bu absorber ichi bo‘sh qobiq va suyuqlikni purkovchi mexanik forsunkadan tarkib topgan bo‘ladi.

CJ

20-rasm. Purkovchi absorber.
Suyuqlikni purkash paytida massa o‘tkazish koeffitsiyenti eng katta miqdorga ega. Vaqt o‘tishi va fazalar o‘zaro ta’sir yuzasi kamayganligi sababli jarayon samaradorligi pasayadi. Shuning uchun ham, ko‘pincha forsunkalar qurilmaning butun balandligi bo‘yicha o‘rnatiladi.
Odatda, purkovchi absorberlar yaxshi
eriydigan gazlarni absorbsiya qilish uchun ishlatiladi. Purkovchi absorberlar qatoriga mexanik absorberlarni ham kiritish mumkin. Bunday qurilmalarda suyuqlik aylanma mexanizm yordamida sochib beriladi. Suyuqlikdagi teshikli disklar qo‘zg‘almas silindrik qobiq ichida aylanadi. Natijada, disk yordamida suyuqlik mayda tomchilar shaklida atrofga sochiladi. Mexanik absorberlar ixcham va yuqori samarali.

6. 
   Absorberlarni hisoblash
   

Absorberlarni hisoblashda quyidagi parametrlar aniqlanadi: absorbent sarfi, qurilmaning diametri, balandligi va gidravlik qarshiligi. Buning uchun esa quyidagi parametrlar ma’lum yoki berilgan bo‘lishi kerak: gaz sarfi, gaz aralashmaning tarkibi, boshlang‘ich va oxirgi konsentratsiyalari, absorbentdagi gazning boshlang‘ich konsentratsiyasi.
Absorbentning sarfi moddiy balans tenglamasidan topiladi.
Absorberning gidravlik qarshiligi qurilmaning konstruksiyasi va uning gidrodinamik rejimiga bog‘liq. Odatda gidravlik qarshilik gazning optimal tezligi bo‘yicha hisoblanadi, u esa o‘z navbatida texnik-iqtisodiy hisoblashlar asosida aniqlanadi.
Absorber diametri gazning chiziqli tezligi tenglamasidan hisoblab
topilanadi.
Absorber balandligi esa, massa o‘tkazishning modifikatsiyalashgan tenglamasi dan topish mumkin.
Yupqa qatlamli va nasadkali absorberlarni hisoblash sxemalari bir xildir.