Texnika xavfsizligi va mehnat muhofazasi qoidalari

Sutlarga birlamchi ishlov berish mashinalarini o‘rganish
Sutlarga birlamchi ishlov berishning umumiy xolati Sut universal oziq-ovqat mahsuloti hisoblaniladi. Sigir sutida 120 ga yaqin turdagi to‘yimli moddalar borligi aniqlangan. Uning tarkibiga suv, sut yog‘i, oqsillar, sut qanti, mineral moddalar hamda vitaminlar, fermentlar va mikroelementlar kiradi. Shu bilan birga sut tez buzuluvchan mahsulot hisoblaniladi, chunki, u tarkibiga atrof muhitdan tushadigan har xil mikroorganizmlarning rivojlanishi uchun qo‘lay muhit hisoblaniladi. Sog‘ib olingandan so‘ng sut dastlabki 2-3 soat mobaynida, antibakterial moddalarning aktivligi hisobiga, sutda zararli bakteriyalarning rivojlanishi to’xtab qoladi. Bu davr bakteritsid faza deb ataladi. Past haroratda (4-6 o S) bakteriyalar faoliyati umuman to‘xtaydi. Sutning boshlang‘ich xususiyatlari va sifatini uzoq muddatga saqlab qolish maqsadida unga birlamchi ishlov beriladi. U quyidagi operatsiyalarni o‘z ichiga oladi: sutni qabul qilish (hisobga olish), mexanik aralashmalardan tozalash, sovutish, pasterlash, vaqtincha saqlash, sutlarni qayta ishlash korxonalariga yuborish. Yuqorida keltirilgan operatsiyalarni bajarish uchun sog‘ish va sutga birlamchi ishlov berish texnologik tizimini tashkil etadigan maxsus mashinalar qo‘llaniladi. Sutlarni sog‘ish joylaridan sutxonaga transportirovka qilish va uzatish sut quvuri (sut quvuriga sog‘ishda) orqali yoki flyagalarda (chelaklarga sog‘ishda) maxsus aravachalar yordamida amalga oshiriladi. Sutlarni hisobga olish sutni zootexnik hisobga olish qurilmasi yordamida, sutni guruhiy sog‘ishda esa maxsus hisobga olgich, tarozi va sut o‘lchagichlar yordamida amalga oshiriladi.