Тесты для самоконтроля. Книга будет полезной также для магистров и практикующих детских хирургов

Qiyosiy  tashxisi.  Gidronefrozni  ko‘pgina  urologik  kasalliklar:  nefrolitiaz, 
nefroptozdan  farqlashga  to‘g‘ri  keladi.  Nefrolitiazdan  farqlash  uchun  tasviriy 
urogramma qilish kifoya. Bunda tosh soyasi ko‘rinadi. Agar rentgenokontrast tosh 
bo‘lsa,  u  ekskretor  urografiyada  aniq  ko‘rinadi.  Bunda  buyrakning  pielouretral 
segmenti  aniq  bilinadi,  tosh  bor  joyda  esa  kontrast  bilan  tulmagan  «ochiq»  yuza 
aniqlanadi.  Nefroptozda  esa  ekskretor  urografiyada,  uning  anatomik  ko‘rinishi 
o‘zgarmasdan  qolaveradi.  Ko‘pgina  hollarda  gidronefrozni  Vilms  o‘smasidan 
farqlashga  to‘g‘ri  keladi.  O‘smaning  boshlanish  davrida  buyrak  funksiyasi 
buzilmagan bo‘ladi. Shu tufayli ekskretor urogrammada gidronefrozga xos bo‘lgan 
jom  va  kosachalarning  kattalashgani  kuzatilmaydi,  aksincha,  buyrak  kosachalari 
qisilib,  surilib,  uzining  topografiyasini  o‘zgartirgan  bo‘ladi.  Buyrak  o‘smasida 
buyrak qattiq konsistentsiyaga ega va uning yuzasi notekis bo‘ladi. 
Davosi.  Bolalarda  rekonstruktiv-plastik  operatsiya  usullari  qo‘llaniladi. 
Hozirgi 
paytda 
Andersen-Yan-Kucher 
rekonstruktiv-plastik 
operatsiyasi 
qo‘llanilmokda. Bunda gidronefrozga sabab bo‘lgan joy (skleroz, stenoz, klapan va 
b.) kesib olib tashlanadi va siydik yo‘li kesilgan uchidan uzunasiga 1,0 sm atrofida 
qirqilib, keyin buyrak  jomiga  anastomoz  qilinadi.  Hatto radioizotop  renografiyada 
ham buyrak funksiyasi aniqlanmagan taqdirda plastik operatsiya usulini qo‘llamoq 
lozim.  Chunki  bolalar  buyragining  kompensator  mexanizmi  ancha  kuchli  bo‘ladi. 
Biroq,  buyrak  parenximasi  haddan  tashqari  noziklashib,  buyrak  suv  to‘ldirilgan 
xaltachaga o‘xshab qolgan hollarda nefrektomiya bajariladi.