Тесты для самоконтроля. Книга будет полезной также для магистров и практикующих детских хирургов

 
12.5. Ageneziya, aplaziya, o‘pka gipoplaziyasi 
 
O‘pkaning bir tomonlama ageneziyasi hayot bilan moslashadi, lekin ko‘pincha 
VATER-sindromda  (vertebral  nuqsonlar,  anal  teshigi  anusi,  traxeoqizilo‘ngach 
teshigi,  bilak  suyagi  va  buyraklar  displaziyasi)  uchraydiganlar  kabi  tug‘ma  og‘ir 
anomaliyalar bilan birga keladi. Ko‘pincha birga keladigan boshqa nuqsonlar ham 
namoyon  bo‘ladi.  O‘pka  ageneziyasining  hosil  bo‘lishini  embriogenezda  nerv 
cho‘qqisi zararlanishi bilan tushuntirishga urunishlar bo‘lgan.  
O‘pka  ageneziyasining  turli  ko‘inishlari  quyidagicha  aniq  xarakterlanishi 
mumkin:  ageneziya  –  o‘pka  va  bronxning  umuman  yo‘qligi;  aplaziya  –  o‘z 
ahamiyatini  yo‘qotgan  bronx  bilan  «rivojlanmagan»  o‘pka;  gipoplaziya  –  normal 
bronx bilan ahamiyatini yo‘qotgan o‘pka.  
Tashxis  qo‘yish,  odatda,  qiyin  emas,  lekin  ba’zan  ageneziya  atelektaz  deb 
qabul  qilinishi  mumkin,  ayniqsa,  agar  ko‘krak  qafasi  yarmining  soyalanishi  kech 
aniqlansa va bunda oldin olingan birorta surat bo‘lmasa. O‘ng o‘pka bo‘lmaganida 
yurak soat ko‘rsatkichi bo‘yicha aylangan, bu dekstrokardiya ko‘rinishida namoyon 
bo‘ladi.  Zararlangan  tomondagi  ko‘krak  qafasi  susaygan  nafas  olish  harakatlari 
bilan tushgan.