Тесты для самоконтроля. Книга будет полезной также для магистров и практикующих детских хирургов

 
Klinikasi.  Siydik  chiqarish  kanalining  tashqi  teshigi  olat  boshi  cho‘qqisida 
bo‘lmay,  olat  toj  egati  yoki  tanasining  turli  joylarida  hamda  yorg‘oq  va  oraliqda 
bo‘lsa, buni gipospadiya, deb tushunmoq kerak. Bunda uretra teshigining qay joyda 
joylashganligiga  nisbatan  shakli  aniqlanadi.  Shunisi  muhimki,  gipospadiya 
teshigidan to olat boshigacha xorda tortkisi va fibroz chandiqlar mavjud bo‘lib, ular 
olatning  volyar  yuza  tomonga  egilishini  ta’minlaydi.  Shuning  uchun  ham 
gipospadiyaga  uchragan  olat  xuddi  vergulga  yoki  o‘roqqa  o‘xshab  egiladi.  Yillar 

---

 
245 
o‘tishi  bilan  g‘ovak  tanalar  o‘saveradi,  biroq,  xorda  tortqisi  va  fibroz  chandiqlar 
uzunligi  o‘zgarmasdan  qolaveradi.  Shu  sababli  ham  olatning  egikligi  tobora 
ortaveradi.  Mana  shu  egiklik  tufayli  gipospadiyaning  yorg‘oq,  tana-yopg‘oq  va 
oraliq turlarida bolalar o‘tirib siyishga majbur bo‘ladilar. 
 
 
Gipospadiyaning  olat  boshi  shaklida 
ko‘pincha  uretra  tashqi  teshigining  stenozi 
ham 
kuzatiladi 
(ko‘rsatkich 
bilan 
ko‘rsatilgan). 
Vaqtida 
uni 
bartaraf 
qilmaslik natijasida yuqori siydik chiqarish 
yo‘llari 
kengayishi 
hamda 
ureterogidronefroz  rivojlanishi  mumkin 
(17.23-rasm). 
 
 
Gipospadiyaning 
tana 
shaklida 
uretraning  tashqi  teshigi  olatning  ventral 
yuzasiga 
ochiladi 
(ko‘rsatikch 
bilan 
ko‘rsatilgan).  Olat  biriktiruvchi  to‘qima 
tormalar  hisobiga  biroz  egilgan  bo‘ladi. 
Siydik  ajratuv  erkak  tipida  bo‘ladi,  biroq 
siyish  aktida  olatni  biroz  to‘g‘rilash  lozim 
bo‘ladi (17.24-rasm). 
 

---

 
246 
 
Gipospadiyaning 
yorhoq 
shaklida 
yanayam  chala  rivojlanganlik  va  olatning 
yaqqol 
deformatsiyasi 
kuzatiladi. 
Uretraning  tashqi  teshigi  katta  jinsiy 
lablarni  eslatuvchi  ajralga  yorgoqning 
o‘rtasida  joylashadi  (ko‘rsatikch  bilan 
ko‘rsatilgan) (17.25-rasm). 
 
 
Gipospadiyaning  oraliq  shaklida  bir  yoki  ikki  tomonlama  kriptorxizm  ham 
qayd  etiladi.  Shuni  alohida  ta’kidlamoq  lozimki,  gipospadiyaning  bu  shaklida 
yorg‘oq ham ikkiga bo‘lingan bo‘lib, ular katta xayo lablarini eslatadi. 
Natijada  bola  tug‘ilgan  paytida  e’tibor  bilan  qaramaslik  oqibatida,  ularning 
jinsi noto‘g‘ri belgilanadi va tarbiya ham shunga yarasha bo‘ladi. Ba’zan, tashxisni 
to‘g‘ri  qo‘yish  uchun  jinsiy  xromatinlar  tekshiriladi,  xromosomalar  aniqlanadi  va 
nixoyat,  laparoskopiya  yordamida  tuxumdon  yoki  urug‘don  bor  yoki  yo‘qligi 
tekshiriladi. 
Davosi.  Gipospadiyani  davolashda  asosan  uchta  qoidaga  rioya  qilinadi.  1. 
Gipospadiya  teshigi  stenozini  bartaraf  qilish.  2.  Olat  egriligini  to‘g‘rilash.  3. 
Uretraning yetishmagan qismini tiklash. 
Gipospadiya  teshigi  stenozini  bartaraf  qilish  mustaqil  ravishda  amalga 
oshirilishi  yoki  birinchi  bosqich  operatsiya  bilan  birgalikda  ham  bajarilishi 
mumkin. Olatni to‘g‘rilash - birinchi bosqich operatsiyasi bo‘lib, bunda olat volyar 
yuzasidagi  xorda  tarmoqlari  va  fibroz  chandiqar  olib  tashlanib,  olat  egriligiga 
barham beriladi. Bu operatsiya 1-2 yasharlikda bajarilgani ma’qul. Ikkinchi bosqich 
operatsiyasi–uretroplastika deb ataladi. Odatda bu operatsiya 3–4 yoshlarda amalga 
oshiriladi.  Albatta,  bunda  olatning  rivojlanganlik  darajasini  hisobga  olish  kerak. 
Eng asosiysi, uretroplastika quyidagi talablarga javob berishi kerak: 

---

 
247 
1.  Olat  erektsiya  bo‘lganida,  u  egik  bo‘lmasligi  shart.  2.  Uretraning  tashqi 
teshigi olat boshida bo‘lishi zarur. 3. Uretraning tashqi teshigi yetarli darajada keng 
bo‘lib, siyishda siydik oqimining erkin chiqishini ta’minlash kerak. 
Hozirgi paytda gipospadiyani bartaraf etishning 200 dan ortiq usullari mavjud. 
Amaliy  jihatdan  ko‘proq  Dyupley,  Broun,  Landerer  usullari  qo‘llanilmoqda.  Bir 
bosqichli operatsiya usullari (Xatson, Dukket, Xorton–Devine, J. Beknazarov) ham 
joriy qilina boshlandi.