Termiz davlat universiteti xorijiy filologiya fakulteti 306- guruh talabasi xolmurodova nigoraning o`quv amaliy mashg`uloti bo`yicha hisoboti termiz 2022

XOLMURODOVA NIGORA

TERMIZ DAVLAT UNIVERSITETI
XORIJIY FILOLOGIYA FAKULTETI
306- GURUH TALABASI XOLMURODOVA NIGORANING O`QUV AMALIY
MASHG`ULOTI BO`YICHA

HISOBOTI


TERMIZ 2022
Termiz Davlat Universiteti Xorijiy Filologiya fakulteti 3-kurs talabalari uchun o`quv amaliy mashg`uloti boshlanishi munosabati bilan 2022 -yil 25-fevral kuni Sh. Jabborova va M. Tadjiyevalar rahbarligida 306-guruh talabalariga konferensiya bo`lib o`tdi. Konferensiya davomida to`rt haftalik amaliyot vaqtida talabalar tomonidan bajarilishi kerak bo`lgan topshiriqlar ro`yxati berildi va bular yuzasidan tushuntirish ishlari olib borildi. Talabalar o`zlari qiziqtirgan savollariga yuqori malakali uztozlardan javob oldi va konferensiya so`nggida hamma bir biriga omad tilagan holda o`z hududiga yo`l oldi.



Konfernsiyadan foto lavhalar

28-fevral kuni ilk Denov tumanidagi 67 -sonli umumiy o`rta ta`lim bor makrabga tashrif buyurdim. Pedagogik amaliyotim davomida nafaqat o`quv, balki, ma’naviy-marifiy ishlar bilan ham tanishib, o`rganib chiqdim. Dastlab o`zim uchun aziz bo`lgan bo`lgan uztozlar bilan salomlashib bo`lgach, maktab direktori Umarova Nodira ustoz bilan TerDu va 67 -maktab o`rtasida ikki tomonlama shartnomani imzolab tasdiqladik. Shundan so`ng metod birlashma rahbari Toshtemirova Gavhar sinflar bilan tanishtirib chiqdi. So’ngra mutaxassislik (Ingliz tili) fani o`qituvchisi bilan darsga kirdik. Iloji boricha dars jarayonining 1 daqiqa vaqtini ham e’tiborimdan chetda qoldirmaslikka harakat qildim. Universitetda o`qituvchilarimiz bergan bilimlari asosida dars uchun tahlil yozdim va o`zim uchun kerakli xulosalarni oldim.

Ustozlarimiz aytganidek, pedagogik amaliyotim uchun alohida ish reja tuzib oldim.
Ish rejalarni tuzib olgach, kunlik rejalarni tuzishni ya’ni darslarning samaradorligi uchun qanday metodlar tanlash joizligi haqida tushuntirib bordi. Bu orqali bilimlarimni mustahkamlab olishimga yordam berdi.
Dars ishlanmalarni yozilish qoidalarini amaliy tahlil qilishni o`rgatdi. Bunda asosan, dars jarayoni usiliga e’tibor berish lozimligiga alohida urg`u berib tushuntirdi. Sababi dars usulini tanlash orqali bir soatlik darsni qanday tashkil qilinishi mumkinligini, darsning samaradorligi qanday bo`lishini oldindan bilib olish mumkin ekan.

O`sha kunning o`zida ikkinchi va uchinchi dars soatlarida “3-b va a ” sinflariga ingliz tili dars tahlili uchun kirdim. 3-b sinfga kirganimda o`qituvchi Toshtemirova Gavhar darsni menga topshirdi, uztozlarimizdan olgan bilim va metodlar asosida My Dreams … mavzusidagi dars mashg`ultini o`tkazdim. O`quvchilar darsda men kutgandan ko`ra ancha faol qatnashdi, ayniqsa, A. Olimov va S Qosimovalar shu vaqtgacha o`tilgan mavzularni juda yaxshi o`zlashtirganligi va faolligi sababli ilk kundan yodda qoldi.

Darsdan foto lavha
Haftaning seshanba va payshanba kunlarini mustaqil o`qish uchun tavsiya etilgan badiiy asarni maktab kutubxonasida o`qish bilan o`tkazdim.
Amaliyotning to`rtinchi kuni ham juda yaxshi o`tdi, bu kunda esa Radjapova Dilafruz ustoz kuzatuvida 7-b sinfga What parts is Uzbekistan divided into? mavzusida dars o`tdim, dars davomida o`quvchilar bilan birgalikda matnlarni tarjima qildik, o`quvchilar esa savollarga javob berdi, dars so`ngida o`qituvchi darsda yo`l qo`ygan xato va kamchilliklarim yuzasida o`z tavsiya va maslahatlarini berdi.
2-soat 9:25 da 5-b sinfiga ona tili darsi boshlandi, yuqori malakali va o`z kasbining fidoyisi bo`lgan Boymurodova Xulkar ustozdan dars o`tish malakasi va metodlarni organish maqsadida dars tahliliga kirdim.

Bugun, amaliyotning 5-kunini ham Maxanova Rayxon ustoz kuzatuvida 8-va 9 sinflarga dars o`tish bilan bilan boshlab oldim, darsga oquvchilar uchun tayyorlab kelgan tarqatma materillardan foydalandim, darslar juda qiziqarli o`tdi va o`quvchilar faol ishtirok etishdi. O`quvchilar yaxshi kayfiyatda kutib olgani va darsimda befarq bo`lmaganini ko`rib bu kasbni tanlaganimdan yana bir bor faxrlandim.

Xulosa:

Pedagogik amaliyot haqida xulosam shuki, o‘gangna bilim va ko‘nikmalarni amaliyotda sinamasdan biror kasb egasi bo‘lish qiyin. Bunday tajriba oshirish uchun yillar davomida harakat qilinar ekan. Buning uchun esa 4 yil o‘qishning o‘zi kamlik qiladi. Bo`lajak pedagog xodim uchun eng kerakli narsa o`quv jarayonini nazorat qila olish. Bunda bizga eng kerakli xislatlar mutaxassislik fanlarimizning barchasi hamda psixologiya, nutq madaniyati, metodika kabi fanlarni mukammal bilishni taqazo etadi.

Mening fikrimcha, Oliy ta’limni bitirib maktab ostonasiga ilk qadam qo`yayotgan o`qituvchi uchun ikki oylik pedagogik amaliyot kamlik qilarkan.