Termiz Davlat Universiteti xorijiy filalogiya fakulteti ingliz tili va adabiyoti yo'nalishi 4-kurs talabasi Mirzayeva Sabohat tayyorlagan

Termiz Davlat Universiteti xorijiy filalogiya fakulteti ingliz tili va adabiyoti yo'nalishi 4-kurs talabasi Mirzayeva Sabohat tayyorlagan

AMALIYOT HISOBOTI

(09.11.2020y-09.01.2021y)

Ma'sul o'qituvchi :Nazarova Z

Hisobot mazmuni :

I. Pedagogik amaliyot olib borilgan muassasa.

II. Bajarilgan ishlar

2.1. O`quv ishlari.

2.2. Ma’naviy – marifiy ishlar.

III. Xulosa va takliflar

I. Pedagogik amaliyot olib borilgan muassasa.

Men Termiz davlat universiteti xorijiy filalogiya fakulteti 403-guruh talabasi Mirzayeva Sabohat 2020-yil 9-noyabrdan 2021-yi l9-yanvargacha Surxondaryo viloyati Qumqo'rg'on tumani 44-umumiy o'rta ta'lim maktabida pedagogik amaliyotimni o'tqazdim. Bu vaqt davomida maktab rahbari va maktab jamoasi bilan tanishdim, maktabning o’quv- moddiy sharoitini o’rgandim. Hozirda maktab direktori Madartov Doni Choriyevich. Maktabda 15 ta o'quv xonasi, 400 ga yaqin o'quvchi bor. Maktabda bitta sinf kompyuter bilan jihozlangan. Shuningdek o'g'il bolalar uchun bitta ustaxona va qiz bolalar uchun bitta mahorat darsi xonasi mavjud. Bino 2 ta korpus va sport zalidan tashkil topgan.

Maktabning barcha faoliyatining markazida har chorak uchun tuzilgan va maktab rahbariyati doirasidagi ishlarning butun mohiyatini o'z ichiga olgan reja mavjud.

Maktabning barcha pedagog xodimlari o`quvchilarga ta’lim va tarbiyani uzviy ravishda berib bormoqda.

Maktab xodimlari juda samimiy, birlashgan.

Maktab xonalari hali ham qo`shimcha asbob-uskunalar bilan jihozlanmoqda.

Maktab tashkil topganidan beri shu kunga qadar bir qancha o‘quvchi yoshlar fan olimpiyadalarida nufuzli o‘rinlarni olib kelishgan.

2020-yil 9-noyabr kuni ilk bor maktabga tashrif buyurdim. Pedagogik amaliyotim davomida nafaqat o`quv, balki, ma’naviy-marifiy ishlar bilan ham tanishib, o`rganib chiqdim.

II. Bajarilgan ishlar

2.1. O`quv ishlari:

- ta’lim muassasasiga kelishim bilan mutaxassislik (ingliz tili) fani o`qituvchilari Sodiqov Islom ustoz hamda Yo'ldosheva Shahlo opalar bilan tanishdim va ular bilan darslarda ishtirok etdim. Iloji boricha dars jarayonining 1 daqiqa vaqtini ham e’tiborimdan chetda qoldirmaslikka harakat qildim. Universitetda o`qituvchilarimiz bergan bilimlari asosida dars uchun tahlil yozdim va o`zim uchun kerakli xulosalarni oldim.

- Ustozlarimiz aytganidek, pedagogik amaliyotim uchun alohida ish reja tuzib oldim.

- Pedagogik amaliyot davrida ingliz tili o’qituvchisi Sodiqqov I ning yordamlari katta bo`ldi. Ish reja tuzish tartibini o`rgatdi. 09.11.2020y ga qadar qaysi mavzular o`tilganligi, yil oxiriga qadar yana qanday mavzular o`tilishini, ularni sinflar kesimidagi farqi, chorak oxiri o`quvchilarning ta’tilga chiqishlarini inobatga olish kerakligi hamda xalq ta’limi vazirligi tomonidan ish kunlari sifatida tasdiqlangan kunlarning kalendar rejasini taqdim etdi.

Ish rejlarni tuzib olgach, kunlik rejalarni tuzishni ya’ni darslarning samaradorligi uchun qanday metodlar tanlash joizligi haqida tushuntirib bordi. Bu bilimlarimni mustahkamlab olishimga yordam berdi.

Dars ishlanmalarni yozilish qoidalarini amaliy tahlil qilishni o`rgatdi. Bunda asosan, dars jarayoni usuliga e’tibor berish lozimligiga alohida urg`u berib tushuntirdi. Sababi dars usulini tanlash orqali bir soatlik darsni qanday tashkil qilinishi mumkinligini, darsning samaradorligi qanday bo`lishini oldindan bilib olish mumkin ekan.

- Sodiqov I aynan shu sinflarga dars o`tishingiz mumkin yoki o`ta olasiz deb sinf ajratib bermadi. Chunki, maktabda hamma sinf o`quvchilari soni kam va juda tartibli. Ba’zan sinfni o`zimga topshirib ketdi. Dars o`tmoqchi bo`lgan mavzularim uchun o`zim dars ishlanmasi yozib, mavzuga tayyorlanib kelib dars o`tdim.

Dars jarayonida bunday qo`shimcha ma’lumotlardan foydalanish darsning sifatini yanada oshiradi. O`ylaymanki, dars jarayonida qo`llab yaxshi natijalarga erishaman.

2.2. Ma’naviy – marifiy ishlar :

Maktabda o'quvchilarning kitobxonlik hamda mutolaa madaniyatini shaklantirish orqali ularning ma'naviy dunyosini yuksaltirishga qaratilgan ishlar yo'lga qo'yilgan.

Shuningdek, ta'lim tizimida ommaviy, madaniy marifiy va sport-sog'lomlashtirish tadbirlari va turli musobaqalar o'tkazib boriladi.

Bundan tashqari o'quvchilarning bo'sh vaqtlarini mazmunli tashkil etish uchun o'qituvchilar fanlar bo'yicha to'garak faoliyatini yo'lga qo'yishgan

III.Xulosa va takliflar.

Xulosa

Pedagogik amaliyot haqida xulosam shuki, o‘rgangan bilim va ko‘nikmalarni amaliyotda sinamasdan biror kasb egasi bo‘lish qiyin. Bunday tajriba oshirish uchun yillar davomida harakat qilinar ekan. Buning uchun esa 4 yil o‘qishning o‘zi kamlik qiladi. Bo`lajak pedagog xodim uchun eng kerakli narsa o`quv jarayonini nazorat qila olish. Bunda bizga eng kerakli xislatlar mutaxassislik fanlarimizning barchasi hamda psixologiya, nutq madaniyati, metodika kabi fanlarni mukammal bilishni taqazo etadi

Mening fikrimcha, Oliy ta’limni bitirib maktab ostonasiga ilk qadam qo`yayotgan o`qituvchi uchun ikki oylik pedagogik amaliyot kamlik qilar ekan.