Термиз давлат университети

Тадқиқотнинг амалий натижалари қуйидагилардан иборат:
-ХIХ асрнинг II ярмидан– хх асрнинг I ярмигача демографик жараёнлар аҳолининг минтақавий жойлашуви, сони, миллий таркиби, миграция ҳолати, географик муҳит каби муносабатларнинг хусусиятларини ўрганишда тадқиқотда фойдаланилди.ривожланишига оид тарихий манбалар, архив ҳужжатлари, тарихий-этнографик материаллар муҳим ўрин тутади;
- Диссертация ишидан демографик жараёнларга яқин мавзуларда ишловчи илмий тадқиқотчилар, олий ва ўрта махсус таълим муассасаларида тарих, этнография, антропология, археология, география, иқтисод, демография, сайёҳлик, сиёсатшунослик, миллий ғоя, музейшунослик, тарихий ўлкашунослик каби фанлардан дарслик, ўқув қўлланмаларини ёзаётган муаллифлар қўшимча манба сифатида хизмат қилади.
Тадқиқот натижаларининг ишончлилиги. ХIХ асрнинг II ярмидан– хх асрнинг I ярмигача Ўзбекистоннинг жанубий ҳудудларида демографик жараёнларнинг ҳолати, ривожланиш динамикаси ва муаммолари тарихини тадқиқ этиш Ўзбекистон Республикаси “Ўзархив” агентлиги фондлари, тарихий манбаларига асосланган, шунингдек, диссертация мавзуси бўйича асосий натижалар республика ва хорижий илмий нашрларда, конференцияларда кенг муҳокама қилинганлиги, амалий натижаланинг эса ваколатли ташкилотлар томонидан тасдиқлангани билан белгиланади.
Тадқиқот натижаларининг илмий ва амалий аҳамияти.
Тадқиқот натижаларининг амалий аҳамияти олий ўқув юртларида Ўзбекистон тарихининг XIX асрнинг иккинчи ярми - ХХ асрнинг биринчи ярмигача демографик жараёнлар тарихини ўрганиш, махсус курс ҳамда семинарлар ўтиш, ўқув дастурлари ва ўқув-услубий қўлланмалар тайёрлашда илмий-амалий асос бўлиши, қолаверса, демографик жараёнлар тарихини ўрганишда муҳим манба бўлиб хизмат қилиши билан изоҳланади;
- биринчидан, демографик жараёнларининг даражасини белгиловчи омиллар ва ҳолатлар ўрганилди, Ўзбекистонга жанубий ҳудудлардаги демографик жараёнлар билан боғлиқ тарихий воқеа-ҳодисалар, маъмурий бошқарув, сиёсий мафкура таъсири, аҳолининг турмуш тарзи, демографик ҳолат ҳамда ушбу соҳадаги қийинчиликлар, муаммолар моҳияти очиб берилган;
- иккинчидан, мамлакат жанубий ҳудудларида демографик жараёнлар билан боғлиқ жараёнларнинг асосини ташкил этувчи шаҳарлардаги чор Россияси ва мустабид тузумига хос бўлган муаммолар, камчиликлар, демографик жараёнларнинг ўзига хос хусусиятлари, даражаси уларнинг илмий-тарихий таққосланиб, илмий таҳлил этилган;
- учинчидан, Бухоро амирлиги ва совет тузумининг жанубий ҳудудларда демографик жараёнлар билан боғлиқ маданий ва маънавий ҳаётга таъсири, мустабид тузумдан сақланиб қолган муаммолар илмий жиҳатдан холисона ёритилган.