Термиз давлат университети ҳузуридаги илмий даража берувчи рhD

Тадқиқотнинг республика фан ва технологиялари ривожланиши- 
нинг устувор йўналишларига мослиги. 
Мазкур тадқиқот республика фан 
ва технологиялар ривожланишининг VII. “Кимёвий технологиялар ва 
нанотехнологиялар” устувор йўналишига мувофиқ бажарилган.
Муаммонинг 
ўрганилганлик 
даражаси. 
Ўсимликлардан 
микрокристалл ва кукунли целлюлоза олиш, уларни модификациялаш ҳамда 
органик эфирларини синтез қилиш ҳамда уларни ишлаб чиқариш 
технологиясини яратиш бўйича дунёда қуйидаги олимлар томонидан илмий 
изланишлар олиб борилмоқда жумладан, хорижда F.Y.Huang, R.K.Singh, 
A.Richter, M.D.Lechner, M.Andresen, O.J.Rojas, A.Gandini, M.N.Belgacem, 
A.Hebeish, J.T.Guthrie, Y.Habibi, L.A.Lucia,
Y.Zhou, R.Cassano, Y.H.Cong, 
M.Lizu, 
L.Y.Long, 
Y.X.Weng, 
Y.Z.Wang 
каби олимлар томонидан 
фундаментал тадқиқотлар олиб борилган. 
Мустақил давлатлар ҳамдўстлиги давлатларида Т.Р. Зимина, 
Э.Р.Муллина, З.А.Роговин, Л.С.Гальбрайх, О.В.Ершова, Л.В.Чупрова, 
Т.А.Ткачева, О.Т.Шипина, В.И.Трескова, М.А.Торлопов, Т.Е.Никифорова, 
А.В.Иванютина, О.А.Ромашко, В.И.Зеленин, А.Л.Смирнов, Н.А.Багровская, 
О.В.Алексеева, О.И.Койфман каби олимлар целлюлозанинг мураккаб 
эфирлари синтези, жумладан, тристеарати, капроат, лаурат, шунингдек, 
карбон кислоталарнинг целлюлоза билан мураккаб эфирларининг 
аминоҳосилалари синтези ва қўлланилиши бўйича илмий-тадқиқотлар устида 
бир қанча иш олиб борганлар. 
Республикамизда 
полисахаридларнинг 
турли 
модификациялари 
асосида 
сорбентлар, 
мембраналар, 
дорилар 
учун 
матрицалар, 
биопарчаланувчан экологик тоза материаллар олиш технологиясини ишлаб 
чиқиш бўйича Аскаров М.А., Джалилов А.Т., Исмаилов И.И., Рахмонбердиев 
Г.Р., Примқулов М.Т., Акбаров Х.И., Миратаев А.А., Тошпўлатов Ю.Т., 
Сайфутдинов Р.С., Набиева И., Акмалова Г.Ю., Мухитдинов У.Д., Сайпиев 
Т.С. ва бошқа олимларнинг илмий изланишлари билан қўшаётган ҳиссалари 
катта аҳамиятга эга.
Шуни айтиб ўтиш жоизки, юқоридаги олимлар томонидан олиб 
борилган ишлар целлюлоза толаларининг асосан уч вакили: целлюлоза, 

---

7 
гемицеллюлоза, лигниннинг таркиби ва тузилишини кимёвий реакциялар 
ёрдамида ўзгартириш, толалар, ёғоч материалларини юза ҳамда чуқур 
модификациялаш технологиясини ишлаб чиқишга йўналтирилган бўлиб, 
целлюлоза эфирлари асосида яриммаҳсулотлар олишга, озиқ-овқат саноати, 
тиббиёт ва фармацевтикада ўзига хос хусусиятли маҳсулотлар олиш 
самарадорлигини оширишга қаратилган. Бироқ, ноанъанавий ўсимликлар 
хомашёларини қайта ишлаш орқали бевосита целлюлоза олиш, уни 
модификациялаш ёрдамида янги ҳосилаларини синтез қилиш ва олинган 
целлюлоза эфирлари асосида биопарчаланувчи материаллар ишлаб чиқиш 
бўйича илмий-тадқиқотлар етарлича олиб борилмаган.