Termiz davlat universiteti tabiiy fanlar fakulteti

Stokgolm Konventsiyasi
O‘zbekiston Davlat Tabiatni muhofaza qilish Qo‘mitasi e‘lon qilgan ma‘lumotlarga ko‘ra, sovet davridan qolgan 461 ta qishloq xo‘jalik aerodromlari bo‘lib, ularda zaharli pestitsidlarning qorishmasi tayyorlangan. Ma‘lum bo‘lishicha, 90-yillar o‘rtalarida ularning barchasi yig‘ishtirib olinib, betondan yasalgan maxsus chiqindixonalarga joylashtirilgan. O‘zbekiston hududida qo‘llanilgan pestitsidlarning eng xavflisi SOZ nomi bilan bilingan Mustahkam Organik Zaharlovchilar bo‘lgan. Aytilishicha, hozirda O‘zbekiston hududidagi chiqindixonalarda saqlanayotgan zaharli moddalarning 118 tonnasi aynan shu turdagi pestitsidlardir. Mutaxassislarga ko‘ra, O‘zbekistonning Stokgolm Konventsiyasiga a‘zo bo‘lishi ana shu xavfni bartaraf etish uchun zarur moliyaviy va texnik yordam olish imkonini yaratadi. O‘zbekiston Davlat Tabiatni muhofaza qilish Qo‘mitasi 2001 yilda konventsiyani imzolash tashabbusi bilan chiqqani aytiladi. Ma‘lum bo‘lishicha, O‘zbekiston Qishloq va Suv xo‘jaligi, Sog‘liqni saqlash vazirliklari, shuningdek, boshqa bir qator vazirlik va idoralar konventsiyaga qo‘shilishning maqsadga muvofiqligini bildirishgan. Ammo hukumat shu yil boshida parlamentga taqdim etilgan konventsiyani ratifikatsiya qilishga shoshilmayotir.
O‘zbekistonda pestitsidlarni ishlatish Sovet davridagisidan sezilarli darajada kamaygani aytilsa-da, ularning hamon qo‘llanayotganiga oid xabarlar ham yo‘q emas.