Termiz davlat universiteti tabiiy fanlar fakulteti geografiya kafedrasi

4.Davlat tuzumi.
Fransiya davlat tuzumiga ko'ra respublika boshqaruvidagi mamlakat. Davlat boshlig'i prezident bo'lib, 7 yil muddatga saylanadi. Konun chiqaruvchi oliy hokimiyat organi- 2 palatali Millat majlisi va Senatdan iborat parlament. Hukumat rasman parlament oldida javobgar bo'lsa ham, ammo Prezidentga bo'ysunadi.
Mamlakat ma'muriy jihatdan 96 ta departamentga bo'linadi.
5.Xo'jaligi.
Fransiya endilikda sanoat mahsulotining hajmi jihatdan g'arb mamlakatlar o'rtasida AQSH, Yaponiya va GFR dan keyin to'rtinchi o'rinni egallaydi. Milliy daromadda qishloq xo'jaligining salmog'i 1/10 qismdan kamroqni tashkil etsada, u aholini asosiy oziq-ovqat mahsulotlari bilan ta'minlaydi va eksportda katta rol o'ynaydi.
A).Sanoati. Energetika-qisman mamlakatning o'z resurslariga tayanadi. Kazib olinadigan ko'mir mamlakat ehtiyojini qondira olmaydi, kokslanuvchi ko'mir oz va ularning konlaridan foydalanish ham qiyin. Faqat Janubi-G'arbdagi kichikroq konlardan neft qazib chiqariladi,shu sababli Fransiya chetdan juda ko'p neft keltiradi. Tabiiy gaz mamlakatning Janubi-G'arbidan qazib olinadi,gaz mamlakatga Niderlandiya va Jazoirdan olib kelinadi.
Mamlakatda atom energetikasi tez rivojlanmoqda.
Qora metallurgiya-Lotaringiya temir rudasi hovzasidagi konlardan foydalanadi. Bu yerdagi rudaning sifati past,ammo bu kamchilikni ruda zaxirasining kattaligi va rudaning uncha chuqur joylashmaganligi qoplaydi. Mamlakatda qora metallurgiyaning ikkita asosiy rayoni bor. Bular eritiladigan cho'yan,po'lat va prokatning katta qismini beradigan Lotaringiya rayoni va chetdan keltiriladigan ruda va cho'yan bilan ishlaydigan Shimoliy rayondir. Dengiz yo'li orqali chetdan keltiriladigan temir rudasi va koks bazasida Marsel porti yaqinida va Dyunkerkda eng yirik ikkita metallurgiya kombinati bunyod etilgan.
Rangdor metallurgiya-O'rta dengiz sohillaridagi boksit konlari asosida rivojlanmoqda. Mamlakatning Alp va Pireneya tog'laridagi GESlar yaqinida alyuminiy zavodlari ishlab turibdi.