Termiz davlat universiteti Tabiiy fanlar fakulteti Botanika kafedrasi

Mavzuning maqsadi: Oqsil strukturasini oldindan aytish va modellashtirishni mukammal darajada oʻrganish va uni amaliyotda qoʻllash.
Mavzuning dolzarbligi: oqsil strukturasini oldindan aytishni oʻrganish orqali juda koʻplab oqsil bilan bogʻliq kasalliklarni oldini olish va uni davolash uchun dori vositalarini ishlab chiqish mumkin. Bu jarayon esa butun yer yuzi mamlakatlarida alohida ahamiyat kasb etadi.
Mavzuning oʻrganilish darajasi: Леск А. Введение в Биоинформатику. М., БИНОМ, 2015 Астахонов Т.В. Сравнительньш анализ информационньгх биополимеров. Компьютерьг и суперкомпьютеры в биологии. М. Ижевск: Институт компьютерньш исследований. 2002. Adabiyotlaridan o’rganildi va foydalanildi.
Kurs ishi: kirish, asosiy qism, foydalanilgan adabiyotlar roʻyxati va xulosadan tashkil topgan boʻlib, 26 sahifadan iborat.


I BOB. Oqsil strukturalarini va uning turlari
1.1. Oqsil strukturalarini uzatilish jarayoni va uning asosiy vositalari
Oqsillar turli fazoviy strukturalarga ega bo‘lib, nuklein kislota yoki aminokislota ketma –ketligi yordamida bu jararayonni aniqlashning iloji yo‘q. Shuning uchun barcha funksional oqsillarni to‘g‘ridan-to‘g‘ri ajratib olib ularning strukturasini aniqlash hozirgi kunda ham dolzarb vazifalardan hisoblanadi (hozirda insondagi oqsillarning tahminan 10% to‘liq o‘rganilgan). Shu tariqa genomikaga qo‘shimcha ravishda “proteomika” atamasi paydo bo‘lgan. Ilmiy nashrda proteomika atamasi 1995-yildan boshlab paydo bo‘la boshlagan.
Organizmning hayot faoliyatida oligopeptid yoki shunchaki peptidlar deb nomlanuvchi kichik molekulali oqsil tabiatiga ega bo‘lgan fermentlar muhim o‘rin egallaydi. So‘ngi paytlarda proteome va proteomika terminlari bilan bir qatorda “peptidomika” atamasi ham paydo bo‘lmoqda.
Demak, yangi paydo bo‘lgan fanlarning o‘zoro bog‘liqligini quyidagicha ko‘rish mumkin.
Uchta yangi bioligik fanni o‘zoro bog‘liqligi.
Genomika va bioinformatika haqida yuqorida to‘xtalib o‘tgan edik. Proteomika –oqsillar va ularning tirik organizmdagi o‘zoro ta'sirini o‘rganuvchi fan hisoblanadi (proteom -organizmdagi barcha oqsillarning yig‘indisi) . Proteomika quyidagi bo‘limlarga bo‘lib o‘rganiladi: strukturaviy proteomika, funksional proteomika va amaliy proteomika.