Termiz davlat universiteti sport boshqaruvi kafedrasi jismoniy madaniyat nazariyasi va metodikasi

Nazorat savollari:
1. Nima uchun keyingi paytlarda (30-40 yil ichida) ayniqsa qattiq charchatib qo‘ymaydigan bellashuvlar bilan bog‘liq sport turlarida musobaqaga tayyorgarlik hajmi ayniqsa kengayib ketdi?
2. Sport yili davomida o‘zingiz qatnashgan musobaqalar misolida ulardagi qiyinchilikni asta-sekin o‘sib borishini kuzating:
3. O‘zingizning musobaqa faoliyatingiz tuzilishidagi tarkibiy qismlarni tasvirlab bering (nimalardan iborat).
4. Musobaqa faoliyati jarayonida o‘z harakat taktikangizni o‘zgartirganmisiz? Agar o‘zgartirgan bo‘lsangiz nima uchun har bir holatdagi sababini aniqlashga xarakat qiling.

AMALIY MASHG‘ULOT MATERIALLARI.
Amaliy mashg‘ulotlar talablari bo‘yicha jismoniy madaniyat va sportning asosiy tushunchalari, jismoniy madaniyat tizimining umumiy prinsiplari va uning amalga oshirish yo‘llari, jismoniy madaniyat vositalari, jismoniy mashqlar texnikasi, jismoniy mashqlarni turkumlarga bo‘linishi, jismoniy mashqlar mashg‘ulotlarining tuzilishi va mazmuni, qishloq joylarda jismoniy madaniyat ishlari va ularning xolati, o‘quv muassasalarida jismoniy madaniyat mashg‘ulotlarini tashkil qilish va o‘tkazish metodikasi, jismoniy madaniyat darsning shakllari va turlari hamda jismoniy tarbiya sport ishlarini rejalashtirishlar amaliy o‘rgatiladi. Talabalar ommaviy sport tadbirlarini tashkil qila olish ko‘nikma va malakalariga, dars mashg‘uloti zichligini aniqlash, xronometraj, pulsometriya o‘tkazish bo‘yicha malaka va ko‘nikmalarga ega bo‘ladilar.

1-AMALIY MAShG‘ULOT. SPORTNING NAZARIY ASOSLARI
Maqsad:	Sport nazariyasi predmetining xususiyatlari. Sport faoliyati. Sport tayyorgarligi. Sport tayyorgarligi tizimi. Sport maktabi. Sport mashg‘ulotlari. Sportchini tayyorlash. Sport mashg‘ulotlari tizimi. Sport natijalari. Sportchini tasnifi bo‘yicha malaka va ko‘nikmalarga ega bo‘ladilar.