Termiz davlat universiteti pedagogika instituti pedagogika- psixologiya va boshlang‘ich ta’lim fakulteti psixologiya kafedrasi

Izoh: Amaliyotdan baholanmagan talabalar sessiyaga kiritilmaydi.


Malakaviy amaliyotni tashkil etishga qo‘yiladigan
talablar.
Amaliyotlar bakalavriat ta’lim dasturining majburiy qismi hisoblanadi. Amaliyotlar o‘quv, tanishuv va pedagogik amaliyotlar shaklida bo‘lib, talabalarning kasbiy amaliy tayyorlanganligiga bevosita yo‘naltirilgan bo‘ladi, bakalavrlar tayyorlashning ta’lim dasturi, o‘quv-tanishuv, pedagogik va bitiruv oldi amaliyotlarini o‘z ichiga oladi.
Malakaviy amaliyot o‘tkazilganda-talabalar, ta’lim muassasasi bilan umumiy tarzda tanishadilar. Umumm ta’lim va umumkasbiy fanlar bo‘yicha nazariy bilimlarini mustahkamlashni nazoratda tutadi. Amaliyot natijasi va hisoboti baholash mezonlari asosida baholanadi.
Amaliyotchi talabaning vazifasi
1. Malakaviy amaliyot davrida amaliyotchi talaba institut rahbariyati yo’llanmasiga (buyrug‘iga) asosan umumiy o’rta ta’lim pedagogik jamoasining muvaqqat a’zosi hisoblanadi. U amaliyot davrida ta’lim-tarbiyaga oid savollar bilan umumiy o’rta ta’lim maktabi tomonidan biriktirilgan amaliyot rahbari va umumiy o’rta ta’lim maktabining psixologi murojaat etishga haqlidir. Amaliyotchi talaba ish o’rganish maqsadida umumiy o’rta ta’lim maktabi pedagogik yig’ilishlarida qatnashishi mumkin. Shuningdek, umumiy o’rta ta’lim maktabidagi o‘quv-uslubiy qo‘llanmalardan foydalanish huquqiga ega hisoblanadi.
2. Elektron o`qitish vositalaridan samarali foydalanishni o`rganish.
3. Ta’lim-tarbiya jarayonini tashkil etishning asosiy va yordamchi shakllaridan unumli foydalanish, o`quvchilarning bo`sh vaqtini samarali o`tkazish va tashkil etish.
4. Ta’lim-tarbiyaning xilma-xil metodlarini, zamonaviy pedagogik texnologiyalarni oqilona tanlay olish, ijodiy yondashuv asosida metod va texnologiyalarning milliy mentalitetga mosligini ta’minlash ko`nikmasini egallash.
5. Ma’naviy-ma’rifiy ishlarni rejalashtira olishi, uni tashkil etish metodikasini egallash, o`quvchilar ongiga milliy istiqlol g`oyasini singdirish.
6. Amaliyotchi talaba umumiy o’rta ta’lim maktabi ustavi bo‘yicha barcha ichki-tartib qoidalariga bo‘ysunadi. Agar amaliyotchi talaba umumiy o’rta ta’lim maktabi psixologi talablari, amaliyot rahbari ko‘rsatmalarini bajarmasa, shuningdek, umumiy o’rta ta’lim maktabi tartib-qoidalarini buzsa, malakaviy amaliyotdan chetlashtiriladi va bu haqda tegishli xat orqali kafedra yoki institut o‘quv bo‘limiga xabar qilinadi. Bunday holda talaba amaliyot o‘tamagan hisoblanadi.
7. Amaliyot jarayonida talaba kundalik daftar yuritadi. Kundalik daftar amaliyotchi talabaning asosiy ishchi hujjati hisoblanib, uning pedagogik faoliyati yoritilib boriladi.
8. Malakaviy amaliyot tugaganidan so‘ng amaliyotchi talaba malakaviy amaliyot davrida bajargan ishlari to‘g‘risida psixologiya kafedrasiga hisobot topshiradi.