Termiz davlat universiteti iqtisodiyot va turizm fakulteti «iqtisodiyot va menejment» kafedrasi

Kafedra mudiri: ____________PhD T.A. Mamadjanova
Uslubiy ko’rsatma Iqtisodiyot va turizm fakulteti Kengashining 2020 yil 27avgustdagi №1 - sonli majlisida muhokamadan o’tgan va universiteti o’quv-uslubiy Kengashida muhokama qilish uchun tavsiya etilgan.

Fakultet Kengashi raisi:_____________ Z.O. Samadov

Ushbu uslubiy ko’rsatma Termiz davlat universitet “Iqtisodiyot va turizm” fakulteti “Iqtisodiyot va menejment” kafedrasida tayyorlandi.

Tuzuvchilar: T.A.Mamadjanova

T.D.Mamatkulov
Taqrizchi: A.Q.Mirzayev

© Termiz davlat universiteti 2020 y.

KIRISH
Mazkur dastur va uslubiy ko’rsatma “Ta’lim to’g’risida”gi qonun hamda Kadrlar tayyorlash milliy dasturi talablaridan kelib chiqqan holda 5230100–“Iqtisodiyot” (makroiqtisodiyot) ta’lim yo’nalishi Davlat ta’lim standartiga hamda “O’zbekiston Respublikasi oliy ta’lim muassasalari talabalarining malakaviy amaliyoti haqidagi Nizom”ga (OO’MTV 1998 yil 30 oktyabr 305-sonli buyruq bilan tasdiqlangan), O’zbekiston Respublikasi Oliy va o’rta maxsus ta’lim vazirligining 2011 yil 16 sentyabrdagi №387-sonli buyrug’iga asosan ishlab chiqildi.

Bugungi kunda zamon talablariga javob bera oladigan mutaxassis kadrlarni tayyorlash, Davlat ta’lim standartlari asosida ta’lim berish va uning barcha tarkibiy tuzilmalarini takomillashtirib borib, nazariy bilimlarni amaliyot bilan bog’lashdek dolzarb masalalardan biridir.

Mutaxassislik fanlar bo’yicha bilimlar majmuasini o’zlashtirgan, nazariy va amaliy mashg’ulotlar uzviyligida malaka hamda ko’nikmalarni mukammal shakllantirishda, yetuk kadr bo’lib etishishda tanishuv amaliyotining o’rni beqiyos hisoblanadi. Shu bilan birga, yosh iqtisodchi - mutaxassislarni real ishlab chiqarish sharoitlariga tayyorlash eng muhim shartlardan biri hisoblanadi. Mazkur dastur va uslubiy ko’rsatma iqtisodiyotni modernizatsiyalash va diversifikatsiyalash sharoitida “Iqtisodiyot” (makroiqtisodiyot) ta’lim yo’nalishi bo’yicha 2-kurs talabalari tanishuv amaliyotini tashkil etishning asosi hisoblanadi.

Tanishuv amaliyotini o`tash talabada nazariy bilimlarni yanada mukammal darajada amaliyot bilan bog’lashga hamda kelgusida ilmiy tadqiqot ishlari bo’yicha ma’lumotlarni to’plab, tayyorlab borish imkoniyat yaratib, yoshlarni yetuk kadr hamda o’z sohasining mukammal mutaxassisi bo’lishga olib keladi.

I.Umumiy qoidalar
Ushbu dastur va uslubiy ko’rsatma O’zbekiston Respublikasi “Ta’lim to’g’risida” gi qonuni va Kadrlar tayyorlash milliy dasturi talablaridan kelib chiqqan holda O’zbekiston Respublikasi Oliy va o’rta maxsus ta’lim vazirligining 1998 yil 30 oktyabrdagi 305-sonli buyrug’i bilan tasdiqlangan “O’zbekiston Respublikasi Oliy ta’lim muassasalari talabalarining tanishuv amaliyoti haqida Nizom” bilan birgalikda O’zbekiston Respublikasi Prezidentining “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlar tugrisida”gi PQ-3151-son qarori, O’zbekiston Respublikasi Bosh vazirining 2017 yil 29 iyuldagi 07/1-1786-son topshirig’i, Oliy va o’rta maxsus ta’lim vazirligining 2017 yil 1 avgustdagi 527-sonli buyrug’iga asosan asosan ishlab chiqilgan bo’lib, Termiz davlat universitetida “Iqtisodiyot” (makroiqtisodiyot) talim yo’nalishi bo’yicha tahsil olayotgan 1-kurs talabalariga tanishuv malaka amaliyoti uchun tavsiya etiladi.

Termiz davlat universiteti rektorining “Tanishuv amaliyotiga chiqarish to’g’risida”gi buyrug’iga asosan tayinlangan rahbarlar ya’ni, “Iqtisodiyot va menejment” kafedrasi professor-o’qituvchilari olib boradilar. Bunda umumiy rahbarlik “Iqtisodiyot va menejment” kafedrasi mudiri zimmasiga yuklatiladi. Amaliyot joyida tanishuv amaliyoti rahbarlari bo’lib korxona, tashkilot va muassasalar rahbarlarining buyrug’lari asosida tayinlangan yetakchi mutaxassislar, bo’lim boshliqlari bo’lishi mumkin.

Tanishuv malaka amaliyotining bosh maqsadi

5230100 – “Iqtisodiyot” (tarmoqlar va sohalar bo’yicha) ta’lim yo’nalishi talabalari tanishuv malaka amaliyotining bosh maqsadi oliy ta’lim jarayonida nazariya va amaliyot yaxlitligini ta’minlash, talabalarning tanishuv amaliyotlarini ishlab chiqarish korxonalarida o’tkazishni samarali tashkil etish natijasida Respublikamiz hududlarini ijtimoiy-iqtisodiy rivojlantirish uchun zamon talablariga javob beradigan yuqori malakali kadrlarni zaruriy ixtisosliklari bo’yicha iqtisodiyot sohalari va tarmoqlari ehtiyojidan kelib chiqqan holda tayyorlash, oliy ta’lim mazmunini bevosita korxonalar, muassasalardagi texnika, texnologiya va ishlab chiqarish munosabatlariga hamda istiqbolli rivojlanish dasturlariga muvofiq shakllantirish bilan birga mutaxassisligi bo’yicha mustaqil ish ko’nikmalarini hosil etishdan iboratdir.

Tanishuv malaka amaliyotining asosiy vazifalari:

Talabalar tanishuv malaka amaliyotining asosiy maqsadiga erishish uchun qo’yidagi vazifalarni bajarishlari shart:

1. 
   Termiz davlat universiteti “Iqtisodiyot” (makroiqtisodiyot) yo’nalishi o’quv jarayonida olgan nazariy-kasbiy bilimlari va ko’nikmalarini amaliy kasb faoliyatida chuqurlashtirish;
   
2. 
   Amaliyot bo’yicha bilim, tashkiliy ko’nikmalarini hosil qilib dastur rejasiga amal etish;
   
3. 
   Talabalarning amaliyotdagi ish sifatini doimiy takomillashtirib mutaxassislikka ega bo’lish;
   
4. 
   “Iqtisodchi” mutaxassisligi kasb etikasi tartiblari manfaatlaridan kelib chiqqan holda muammoli masalalar va vaziyatlarni yechishni o’rganish;
   
5. 
   Tanishuv amaliyoti bo’yicha zaruriy ma’lumotlarni, hujjatlarni yig’ish va qayta ishlash;
   
6. 
   Talabalar tanishuv amaliyoti bo’yicha hisobot yozishda, ilmiy-tadqiqot ishlaridan foydalanishi mumkin bo’lgan tekshiruv tahliliy materiallari yuzasidan o’z fikrlarini berish;
   
7. 
   Amaliyot davomida olgan bilimlarini nazariy bilimlari bilan solishtirib, amaliyot ob’ekti iqtisodiyotini takomillashtirish bo’yicha mustaqil ravishda takliflar berish;
   
8. 
   Foydalanilgan va qo’llanilgan adabiyotlar ro’yxatini tuzish;
   
9. 
   Amaliyotni o’tagan ob’ekt tomonidan tayinlangan rahbar va ilmiy rahbaridan taqriz va tavsifnomalar olish;
   
10. 
    Tanishuv amaliyoti bo’yicha dastlabki ma’lumotlarni jamlash, fikrlash va xulosalar yozishdan iboratdir.
    

Tanishuv amaliyotining muddati