Termiz davlat universiteti iqtisodiyot fakulteti

11.4. Turizmdagi asosiy rasmiyatchiliklar va ularni soddalashtirish muammolari

Tabiiyki, xalqaro turizmni rivojlantirishda muammolar bisyor. Ulardan chegaradan o’tishda va chet mamlakatda bo’lishda rasmiyatchiliklarni hal qilish bilan bog’liq asosiy muammolarga to’xtalib o’tamiz:

- pasport va viza muammosi;

- valyuta nazorati hamda valyuta ayirboshlash ustidan nazorat;

- bojxona qoidalari;

- tibbiy rasmiyatchiliklar;

- politsiya nazorati;

- turistik hujjatlar;

- sayohat mamlakatida milliy hujjatlarni legalizatsiya qilish (ularning huquqiy layoqati)

Bu rasmiyatchiliklar turist yashaydigan mamlakatda yuzaga keladi (viza, chet el pasporti) hamda u boshqa mamlakatda bo’lgan davr mobaynida amal qiladi (masalan, valyuta rejimi, tibbiy rejim, politsiya rejimi). Bu tartiblarga amal qilish zarurligi shubhasiz, lekin haddan ortiq tartibga solish (majburiy ro’yxatdan o’tish va h.k.) ba’zan turistga psixologik jihatdan salbiy ta’sir ko’rsatadi.

Turistik muhitga va mehmondo’stlik sanoatining faoliyatiga rasmiy tartib-taomillarning salbiy ta’siri haqida Markaziy Osiyo turfirmalari bergan javoblarning taqsimlanishi 1-jadvalda keltirilgan.

1-jadval

Markaziy Osiyoda xalqaro turizmning rivojlanishiga xalaqit berayotgan asosiy rasmiyatchiliklar