Termiz davlat universiteti ijtimoiy fanlar fakulteti

Kurs ishining tarkibi: Kirish, asosiy qism, xulosa va adabiyotlar ro’yxatidan iborat.

I-Bob. Maktab o’qituvchisining ota-onalar bilan jamoatchilik o’rtasida olib boradigan ish rejasi va tartibi
1.1. Ota-onalar bilan hamkorlik qilishning yangi usuli

“Daraxtning kamolga yetgani mevasi

bilan bo’lganidek, baxt – saodatning
mukammal bo’lishi yaxshi xulqda
namoyon bo’ladi”
(Abu Nasr Farobiy)
Oila – tarbiya o’chog’i, u jamiyatning bir bo’lagi, Vatan ichidagi mo’jaz Vatan. Oilada sog’lom muhit barqaror, ma’naviyat mustahkam bo’lsa, yurtimiz yanada farovon, mustaqilligimiz boqiy bo’ladi. Inson oilasi bag’rida ertangi, undan keyingi, bir umrlik faoliyati uchun kuch – quvvat to’playdi. Ayniqsa, xalqimiz barcha ezgu, orzu-umidlarini farzandlari, oilasi bilan bog’laydi.
O’zidagi barcha fazilatlarni, ming asrlik milliy qadriyatlarni oila muhitida farzandlariga singdirishga harakat qiladi. Shuning uchun oilani – millat qo’rg’oni, ma’naviyat qo’rg’oni deydilar.
Ota-onalar o’z farzandiga nafaqat moddiy e’tibor, balki ma’naviy tarbiya ham bermog’i, ularning qalb go’zalligiga erishmog’i uchun turli usullardan foydalana bilmog’i kerak.
Bolalarga insoniy fazilatlar, asosan, sinf rahbari orqali singdiriladi.
O’qituvchi – sinf rahbari – o’quvchi – ota-onalarning o’zaro hamkorligi orqali esa bu jarayon maromiga yetkaziladi.


Ota – onalar yig’ilishi maktab bilan ota – onalar hamkorligida olib boriladigan asosiy bosqich. Ota – onalar yig’ilishi o’quv yili davomida 4-5 marta o’tkaziladi. Yig’lishda sinfning o’quv – tarbiya masalalari muhokama qilinadi.
Ota-onalar yig’ilishi quyidagi bosqichda bo’lishi mumkin:
tashkillashtirilgan;
oraliq;
yakuniy;
maktabningumumiyyig’ilishi;
Ota –onalar yig’ilishini o’tkazish muhim jarayon. Bunda ikkita tomon ya’ni o’qituvchi va ota – ona bir-birini tushinib, uchinchi tomon bo’lgan o’quvchining muammolarini hal qilishadi. Sinf rahbari ota-onalar yig’ilishi o’tkazish uchun tayyorgarlik ko’rish kerak!
Ota – onalar yig’ilishiga quydagicha tayyorgarlik ko’riladi. Ota-onalar yig’ilishini tashkil etish. Bu bosqichda sinf rahbari shu sinfda dars beradigan fan o’qituvchilaridan o’quvchilarning o’zlashtirish darajasi haqida ma’lumot to’playdi. O’quvchilarning yutuq kamchiliklarini yozib oladi. Ota –onalar yig’ilishini haqidagi xabarni o’quvchining kundalik daftariga yozmay, ularga taklifnoma bergan maqul.
Taklifnoma
Assalomu alaykum hurmatli ota – ona! Sizdan 11-mart shanba kuni soat 14⁰⁰ da maktabimizda o’tkaziladigan ota –onalar yig’ilishiga kelishingizni iltimos qilaman. Siz farzandingizni juda yaxshi ko’rasiz va albatta kelasiz deb ishonch bildiraman.
Sinf rahbari: Ataxanova M.X
Ota-onalar yig’ilishiga sinfxonasi toza va ozoda holda tayyorlangan bo’lishi kerak! Sinfga o’quvchilar ishlaridan namuna sifatida ko’rgazma tashkil qilish, sinf hayotidan lavhalar ko’rsatish kerak.
“Bilimlar sinovi”, ko’rik – tanlovlarida va sport musobaqalarida g’olib bo’lgan o’quvchilarning ota-onalariga tashakkurnoma beriladi.
Ota-onalar yig’ilishini o’tkazish o’qituvchining mahoratiga bog’liq.
Ota – onalar yig’ilishini o’tkazish qoidasi
ota-onalar uchun yig’ilish mavzusi dolzarb bo’lishi kerak;
yig’ilish ota-onalar vaqtini hisobga olgan holda o’tkazilishi kerak;
yig’ilish o’tkazish vaqti aniq bo’lishi kerak;
sinf rahbarning ota-onalar bilan o’zaro muloqati samimiy va mustahkam bo’lishi kerak;
ota-onalar yig’ilishida foydali maslahatlar berilishi kerak;
ota-onalarga qo’pol munosabatda bo’lish kerak emas!.
ota-onalar yig’ilishini yaxshi kayfiyat bilan boshlash kerak, yomonkayfiyatnieshikortidaqoldirishkerak;
yig’ilish 1-1.5 soatdan oshmasligi kerak;