Термиз давлат университети «ахборот технологиялари» кафедраси

Инфографика (6.4-расм): 

Электрон рақамли имзони қаердан олиш мумкин? Вазирлар Маҳкамасининг 23.10.2017 йилдаги 864-сон «Тадбиркорлик субъектларига фақат «ягона дарча» тамойили бўйича ягона марказлар орқали кўрсатиладиган давлат хизматлари рўйхатига қўшимча киритиш тўғрисида» Қарори эълон қилингунгача, 6 та расмий давлат рўйхатидан ўтган (амалдаги) электрон рақамли имзо калитларини рўйхатга олиш марказлари фаолият юритиб келарди:

• 
  Давлат солиқ қўмитаси ҳузуридаги Янги технологиялар илмий-ахборот маркази;
  
• 
  Марказий банк Хавфсизлик ва ахборотни муҳофаза қилиш департаменти;
  
• 
  Давлат божхона қўмитаси;
  
• 
  Фан-техника ва маркетинг тадқиқотлари маркази “UNICON.UZ” Давлат унитар корхонаси;
  
• 
  Молия вазирлиги ҳузуридаги Ахборот-ҳисоблаш маркази Давлат унитар корхонаси;
  
• 
  “INTELLECT SOFT” хусусий корхонаси.
  

Сиз шу марказлардан бирига мурожаат қилишингиз керак бўларди. Энди эса, электрон рақамли имзолар (ЭРИ) калитларини рўйхатга олиш ва сертификатини бериш фақат «ягона дарча» марказида амалга оширилади. Муқаддам ушбу хизмат бевосита давлат солиқ хизмати органлари томонидан амалга оширилар эди.
Эслатиб ўтамиз, ЭРИ давлат ва хўжалик бошқаруви органлари, маҳаллий давлат ҳокимияти органлари ҳамда тижорат банклари томонидан кўрсатиладиган барча хизматлардан эркин фойдаланишни таъминлайди.
ДСИ, Адлия вазирлиги, Ахборот технологиялари ва коммуникацияларини ривожлантириш вазирлиги ҳамда ССПга бир ой муддатда ушбу йўналишдаги марказлар фаолиятини йўлга қўйиш топширилган.
Электрон рақамли имзони қандай олиш мумкин?
Бундан буён тадбиркорлик субъектларини давлат рўйхатига олиш чоғида рўйхатга олувчи орган томонидан электрон рақамли имзо калитлари ҳам топширилади.
Агар сиз жисмоний шахс сифатида электрон рақамли имзо олмоқчи бўлсангиз, Ягона порталдаги “Жисмоний шахслар учун электрон рақамли имзо калитлари сертификатларини бериш учун аризаларни қабул қилиш” хизматидан фойдаланинг.