Термиз давлат университети «ахборот технологиялари» кафедраси

2. Government to Business (G2В) модели ёрдамида
ҳал этиладиган вазифалар.
G2В модели қуйидагиларни таъминлаши лозим:

• 
  бизнес тузилмалари олдида турган қоғозбозлик ва маъмурий тўсиқларни бартараф этиш;
  
• 
  давлат бошқарувининг ортиқча бўғинларини қисқартириш, тартибга солиш ва ҳужжатлар айланишининг рақамли технологияларини кенг жорий этиш йўли билан бизнес жараёнларини ва транзакцияларни тезлаштириш, соддалаштириш ва арзонлаштириш;
  
• 
  қонунлар ва бозор талабларидан келиб чиқиб, ресурсларни мақсадга йўналтириб, эркин бошқариш.
  

Расм 6.2. G2В моделига хос хизматлар
Ушбу модул вазифаларини ҳал этиш учун бизнес субъектларига қуйидаги хизматларни кўрсатишни назарда тутади:

• 
  компанияларни давлат рўйхатидан ўтказиш ва қайта рўйхатдан ўтказиш;
  
• 
  ваколатли ташкилотлардан лойиҳа ҳужжатларига рухсатномалар олиш ва улар билан келишиш (экология, қурилиш, табиий ресурслардан фойдаланиш);
  
• 
  лицензиялар олиш ва улар муддатини узайтириш;
  
• 
  бюджетга (даромад, фойда, қўшилган қиймат, йўл, ер солиқлари ва бошқалар) ва бюджетдан ташқари фондларга мажбурий корпоратив тўловларни амалга ошириш;
  
• 
  юридик маслаҳатлар, қонун ҳужжатларига киритилган ўзгартиришлар тўғрисида ўз вақтида ва тўлиқ ахборот олиш;
  
• 
  бухгалтерия, молия, солиқ ва статистика ҳисоботларини расмийлаштириш ва бошқалар.
  

G2B хизматлари турли ижтимоий гуруҳ вакилларига йўналтирилган бўлиб, бу хизматларнинг асосий мақсади давлат билан боғлиқ ижтимоий, сиёсий ва иқтисодий жараёнларни оптимал бошқаришдан иборат.


Топшириқ:

1. 
   Назарий қисмда берилган маълумотлар билан танишиб чиқинг ва дафтарингизга зарурий маълумотларни қайд этинг.
   
2. 
   Электрон ҳукуматнинг мураккаб механизмларини амалга оширган ва электрон тайёргарликнинг индекс кўрсаткичи бўйича жуда юқори бўлган Гонконг, Япония, Жанубий Корея ҳамда Сингапур давлатларининг G2B моделини ишлаш механизмини ўрганинг. (Интернет қидирув тизимларидан фойдаланган ҳолда маълумот олинг.)
   
3. 
   “Хулосалаш” (Резюме, Веер) методи асосида ушбу давлатларнинг G2B модели ишлаш механизмини ижобий ва салбий томонлари, афзаллик, фазилат ва камчиликлари, фойда ва зарарлари бўйича таққосланг ва хулосаланг.
   
4. 
   Маълумот олинган Сайт манзилларини дафтарингизга қайд этиб, скриншотларини олинг.