Термиз давлат университети «ахборот технологиялари» кафедраси

Спамга қарши бир қатор қонун ва қоидалар ишлаб чиқилган. Бу қонунлардан бирида, ҳар бир спам бу ҳақида ўзининг сарлавҳасида маълумотга эга бўлиши белгилаб қўйилган. Бунда фойдаланувчилар ўз дастурий таъминотларини спамга қарши кураша оладиган қилиб созлашлари мумкин бўлади.
Қонунларнинг бошқалари спамни бутунлай қонундан ташқари деб эълон қиладилар. Бу ҳам қайсидир маънода тўғри, чунки факсларга жўнатилган спамлар уларни олувчиларга бевосита моддий зарар етказади.
Спамга қарши анча самарали усуллардан бири почта манзилининг спаммерлар рўйхатига тушиб қолишининг олдини олишдир. Бунинг учун янгиликлар гуруҳида жўнатилаётган хабарларда ўзингизнинг манзилингизни кўрсатмасликдир. Бошқа онлайн хизматлардан фойдаланишда ҳам электрон почта манзилини умумий рўйхатга киритмасликни илтимос қилишдир. Натижада спам учун электрон манзиллар рўйхатини яратувчи роботлар сизнинг манзилингизни топа олмайди.
Амалий қисм:
Nod32, Касперский антивирусларининг ишлаш тамойиллари.
Ҳозирда компьютерларни вируслардан ҳимоя қилиш учун турли антивирус дастурлари ва ёрдамчи воситалари мавжуддир. Бундай дастурлар ичида Nod32 ва Касперский антивируслари энг машҳурлари ҳисобланади.

5.3.-расм. Nod32 норасмий веб сайти
Ушбу дастурларни бугунги кунда бир нечта версиялари мавжуд. Бу антивирусларнинг ишлаш тамойилини ва базасини янгилашни Сиз билан кўриб чиқамиз.
5.3.-расмда Nod32 норасмий веб сайтининг кўриниши келтирилган. Ушбу сайтдан Сиз Smart Security (ESS), Nod.32, Антивирус (EAV) ва бошқа 5,6,7,8,9,10 версиялар учун 7 кун давомида янги калитларни харид қилишингиз мумкин.
Бундан ташқари Smart Security (ESS) ва Антивирус (EAV) учун базаларни ҳар куни оффлайн режимида ўрнатишга имкон туғилади.
Ушбу базалар tas-ix тизимида ва сиз уни бепул юклаб олишингиз мумкин. Nod32 ҳақида энг сўнгги маълумотлар, компьютер хавфсизлиги бўйича тавсиялар, базани ўрнатиш, калитлардан фойдаланиш ва бошқа кўплаб хусусиятларни веб-сайтдан топишингиз мумкин.
Бу сайтда Nod32-ning энг сўнгги версиясини юклаб олишингиз мумкин. Nod32 дастурлари esetnod.32.ru расмий сайтидан олинган.
Яна бир бор эслатиб ўтиш жоиз, сайтнинг барча калитлари компанияга тегишли. 7 кун ичида бепул фойдаланишингиз мумкин. Вақт ўтиши билан esetnod32.ru сайтидан сотиб олиш таклиф этилади. Сайтга киринг, тақдим этилган имкониятлардан фойдаланинг ва бепул юклаб олинг.