Termiz davlat pedagogika instituti raxmatova salima togaymurodovna

Tadqiqotning ilmiy yangiligi quyidagilardan iborat:
raqamli ta’lim muhitida biologiya o‘qituvchisining uzluksiz kasbiy rivojlanishi va ta’lim faoliyatini amalga oshirish imkoniyatlari (o‘qitishning mobilligi, individual ta’lim muhitini loyihalash, raqamli ta’lim resurlarni ishlab chiqish va qo‘llash) o‘qitishning interfaol modellarini maqsadli optimallashtirish asosida aniqlashtirilgan;
raqamli ta’lim muhitida biologiya o‘qituvchisining kasbiy-metodik tayyorgarligi pedagogik faoliyatning yangi turi sifatida: interaktiv axborot ta’lim resurslaridan foydalanish, mustaqil ta’lim sharoitlarida shaxsiy-kasbiy rivojlanishni ta’minlash, ta’lim jarayonini boshqaruvchi maxsus raqamli vositalari asosida on-lien va off-layn rejimli tezkor diagnostikasini adaptiv yo‘naltirish asosida takomillashtirilgan;
raqamli ta’lim muhitida biologiya o‘qituvchisining kasbiy-metodik tayyorgarligining tarkibiy komponentlarini (diagnostik-tahlil, qadriyatlar, tashkiliy, bashoratlash, natija) o‘zida mujassamlashtirgan tashkiliy-didaktik modeli kasbiy yaratuvchanlik parametrlariga ustuvorlik berish asosida takomillashtirilgan;
biologiya o‘qituvchisining raqamli ta’lim muhitida kasbiy-metodik tayyorgarlikni rivojlantirish mezonlari, ko‘rsatkichlari va tayyorgarlik darajalarini takomillashtirishga doir (dars ishlanmalari, topshiriqlar, taqdimotlar, videodarslar, masala va mashqlar yechish metodikasi, vebinarlar tashkil etish, mustaqil kasbiy rivojlantirish uchun topshiriqlar tizimini ishlab chiqishga doir) taklif hamda tavsiyalar ishlab chiqilgan.


Tadqiqotning amaliy natijalari:
raqamli ta’lim muhitida biologiya o‘qituvchilarining kasbiy-metodik tayyorgarligini orttirish imkoniyatlari o‘qitishning mobilligi, individual ta’lim muhitini loyihalash, raqamli ta’lim resurlarini ishlab chiqish va qo‘llash hamda uzluksiz malaka oshirish tizimining zamonaviy talablari asosida aniqlashtirilganligi;
raqamli ta’lim muhitida biologiya o‘qituvchilarining kasbiy-metodik tayyorgarligini takomillashtirishning mazmuni, yondashuvlari, qonuniyatlari, tamoyillari interaktiv axborot ta’lim resurslaridan foydalanish, mustaqil ta’lim sharoitlarida shaxsiy-kasbiy rivojlanishni ta’minlash, ta’lim jarayonini boshqaruvchi maxsus raqamli vositalari asosida onlayn va offlayn rejimli tezkor diagnostikasini adaptiv yo‘naltirish asosida takomillashtirilganligi;
biologiya o‘qituvchilarining tashkiliy-didaktik modeli yaratilganligi va kasbiy yaratuvchanlik parametrlariga ustuvorlik berish, uzluksiz malaka oshirish tizimini magistratura ̶ malaka oshirish va qayta tayyorlash tizimlarini uzviylashtirish maqsadida magistratura bosqichi uchun “Biologiyaning konseptual asoslari” darsligi hamda pedagoglarni yangi metodikalarga o‘rgatish markazlarida “Fandagi yangiliklar, fanni o‘qitishning dolzarb muammolari” moduli bo‘yicha elektron ta’lim resursi yaratilib, amaliyotga joriy etilganligi;
biologiya o‘qituvchisining raqamli ta’lim muhitida kasbiy-metodik tayyorgarlikni rivojlantirish va metodik ta’minotini mustahkamlash maqsadida “Fandagi yangiliklar, fanni o‘qitishning dolzarb muammolari” nomli elektron dasturiy mahsuloti yaratilganligi bilan izohlanadi.