Teri lotin 84x108 format p65. p65

7.2. Keratamikozlar
(KERATOMYCOSES)
Kasallik teri muguz qavatining zararlanishi hamda
yallig‘lanishsiz kechishi bilan ifodalanadi. Keratomikozlarga
rang-barang yoki kepaksimon temiratki va eritrazma kiradi.
Rang-barang yoki kepaksimon temiratki
— terining
yallig‘lanishga daxli bo‘lmagan yuza infeksiyasidir. Qo‘zg‘a-
tuvchisi P i t y r o s p o r u m
o r b i c u l a r i s
( M i c -
r o s p o r u m
f u r f u r
)
terining muguz qavatida
joylashib, ko‘p terlaydigan va terning kimyoviy tarkibi
o‘zgarib turadigan kishilarda tez ko‘payadi.
K l i n i k a s i. Ko‘krak, orqa, bo‘yin, kamdan kam
hollarda oyoq-qo‘llarda, qorinda, boshning sochli qismida
keskin chegaralangan va turli shakl va katta-kichiklikdagi
jigarrang dog‘lar yuzaga keladi. Bular periferiyaga qarab o‘sib
bir-biriga qo‘shilishga moyil bo‘ladi va g‘alati shakl hosil qi-
ladi. Dog‘lar rangi har xil: pushti-sariqdan to‘q-qo‘n-
g‘irgacha, ko‘pincha sutli kofe rangida bo‘ladi. Dog‘lar yuzasi
ko‘z sal ilg‘aydigan kepaksimon tangachalar bilan qoplanadi;
subyektiv sezgilar deyarli bo‘lmaydi, ahyon-ahyonda badan
sal qichishishi mumkin. Kasallik bir necha oy yoki yillab
davom etadi. Zamburug‘ sochlarga zarar yetkazmaydi, lekin
ko‘pincha boshning sochli qismi terisini shikastlaydi.
Тashxis qo‘yish uchun dog‘lar va ular atrofidagi
sog‘lom teriga yod surtiladi, bunda uning yuzasidagi
tangachalar yodni ko‘proq singdiradi, shuning uchun
shikastlangan joyda yod rangi sog‘lom joyga qaraganda
to‘qroq bo‘lib qoladi. Boshning sochli qismini luminessent
lampasi (VUD lampasi) orqali ko‘rilganda, dog‘lar yuzasi
qo‘ng‘ir rangda tovlanadi. Yallig‘lanishsiz sal po‘st tashlab
turadigan har xil kattalikdagi qo‘ng‘ir-jigarrang dog‘lar
va laboratoriya tekshiruvlariga asoslanib tashxis qo‘yiladi.
D a v o s i. Muguz qavatning zamburug‘lar o‘rnashib
olgan yuza qismini ko‘chirib tushirish maqsadga muvofiq.
Buning uchun zararlangan joylarga har kuni