Теплообменник труба в трубе для охлаждения 1300 кг/час бензола от 72 до 26С

O‘zbekiston Respublikasi Oliy va O‘rta maxsus ta’lim vazirligi
Islom Karimov nomidagi
Toshkent Davlat Texnika Universiteti Mashinasozlik fakulteti

Oziq-ovqat sanoati mashina va jihozlari

fanidan
Kurs loyihasi hisoboti

Mavzu: Qobiq trubali issiqlik almashinish apparatini hisoblash

Guruh: 52A-17 TMJ (OOS)
Bajardi: Erkinov D.D.
Qabul qildi: Sultanova Sh.A.
Toshkent 2020

KIRISH
Oziq- ovqat ishlab chiqarish korxonalarida turli texnologik jarayonlar amalga oshiriladi. Texnologik jarayonlar ichida gidromexanik va mexanik jarayonlar ham asosiy o‘rinni egallaydi. Chunki ushbu soha korxonalarining barchasida suyuqlik gaz va qattiq moddalarni bir joydan ikkinchi joyga uzatish turli jinsli gaz va suyuqlik aralashmalarni ajratish, qattiq moddalarni maydalash, saralash jarayonlarini uchratish mumkin. Har qanday texnologik jarayon uni amalga oshirish usullari orasidagi farqga qaramasdan ma’lum turkumdagi qurilmada boradigan, bir-biri bilan bog‘langan o‘xshash texnologik bosqichlardan iboratdir. Oziq-ovqat mahsulotlariga qo‘yiladigan yuqori talab, ishlab chiqarish samaradorligi, uning energiya va material sarfini kamaytirish, atrof-muhit himoyasi oziq-ovqat ishlab chiqarish texnologik bosqichlarini xalq xo‘jaligining boshqa tarmoqlaridagi o‘xshash jarayonlardan farqini belgilaydi. Oziq-ovqat texnologiyasidagi jarayonlar juda murakkab bo‘lib, ko‘p hollarda gidrodinamik issiqlik modda almashinish, biokimyoviy va mexanik jarayonlarning bir vaqtda amalga oshishi bilan boradi.