Теория вероятностей и математическая статистика

}

Fayllar bilan ishlash. File va FileInfo sinflari

FileInfo sinfining CopyTo metodi ikkita parametrga ega: fayl nusxalanadigan yo'l va nusxa ko'chirish vaqtida faylni qayta yozish kerakligini ko'rsatadigan mantiqiy qiymat (agar true bo'lsa, yuqoridagi holatda bo'lgani kabi, nusxa ko'chirish paytida fayl qayta yoziladi). Agar so’ngi parametr sifatida false qiymati uzatilsa, unda bunday fayl mavjud bo'lsa, dasturda xatolik yuz beradi.

File sinfining Copy metodi uchta parametrga ega: dastlabki faylga yo'l, fayldan nusxa ko'chiriladigan yo'l va faylni qayta (ustiga) yozilishi yoki yozilmasligini ko'rsatadigan mantiqiy qiymat.

FileStream. Fayldan o'qish va faylga yozish

FileStream sinfi fayldan o'qish va faylga yozish imkoniyatini taqdim etadi. Ushbu sinf matn fayllari bilan bir qatorda binary(ikkilik) fayllari bilan ishlash imkonini beradi.

FileStream ob’ektini yaratish

FileStream obyektini yaratish uchun ushbu sinfning konstruktorlaridan ham, File sinfining statik metodlaridan ham foydalanish mumkin. FileStream konstruktorida juda ko'p qayta yuklangan versiyalar mavjud, ulardan faqat bittasini, eng oddiy va eng ko'p ishlatiladiganini qayd etamiz:

FileStream(string filename, FileMode mode)

Bu erda konstruktorga ikkita parametr uzatiladi: faylga yo'l va FileMode ro'yxati. Ushbu ro'yxat faylga kirish rejimini ko'rsatadi va quyidagi qiymatlarni olishi mumkin:

FileStream. Fayldan o'qish va faylga yozish

• Append: agar fayl mavjud bo'lsa, matn faylning oxiriga qo'shiladi. Agar fayl mavjud bo'lmasa, u yaratiladi. Fayl faqat yozish uchun ochiladi;
• Create: yangi fayl yaratiladi. Agar bunday fayl oldindan mavjud bo'lsa, u qayta yoziladi, eskisi o’chiriladi;
• CreateNew: yangi fayl yaratiladi. Agar bunday fayl oldindan mavjud bo'lsa, dasturda xatolik yuz beradi;
• Open: faylni ochadi. Agar fayl mavjud bo'lmasa, istisno chiqariladi;
• OpenOrCreate: agar fayl mavjud bo'lsa, u ochiladi, agar mavjud bo'lmasa, yangisi yaratiladi;
• Truncate: agar fayl mavjud bo'lsa, uning ustiga yoziladi. Fayl faqat yozish uchun ochiladi.