Темир(III) асосидаги гетеробиметаллик аминокислотали оксо-марказлашган комплекс бирикмалар синтезининг такомиллашган усули

ТЕМИР(III) АСОСИДАГИ ГЕТЕРОБИМЕТАЛЛИК АМИНОКИСЛОТАЛИ ОКСО-МАРКАЗЛАШГАН КОМПЛЕКС БИРИКМАЛАР СИНТЕЗИНИНГ ТАКОМИЛЛАШГАН УСУЛИ
Абдуллоев Ш.Х., Абдуҳакимов А., Абдуллаев Ш.Ш.
Андижон давлат университети, [e-mail]

Гетеробиметаллик полиядроли карбоксилат комплекс бирикмалар орасида ўзининг ноёб физик-кимёвий, каталитик ва биологик хоссалари билан тадқиқотчи олимларнинг эътиборини кўпроқ жалб этганлари 3d-металларнинг уч ядроли оксо-марказлашган карбоксилатларидир [1].

Аминокарбон кислоталар билан гетеробиметаллик оксо-марказлашган кластерлар ҳосил қилишда темир(III) ва М(II) ионларнинг 2:1 нисбатда олинган перхлоратлари билан аминокислотанинг сувдаги эритмаси ўзаро таъсир реакциясидан фойдаланилади [2]:
2Fe(ClO₄)₃  M(ClO₄)₃  6NH₂CHRCOOH  4H₂O 
Fe₂MO(NH₃CHRCOO)₆(H₂O)₃(ClO₄)₇  2HClO₄
бу ерда M = Mn²⁺, Co²⁺, Ni²⁺, Cu²⁺, Zn²⁺; R = H, CH₃.
Реакция натижасида қўшимча маҳсулот сифатида ҳосил бўлган перхлорат кислота комплекс бирикманинг ҳосил бўлиб, кристалл кўринишида чўкишига ҳалақит беради. Шунинг учун ҳосил бўлаётган перхларат кислота муайян миқдордаги натрий гидрокарбонати ёрдамида нейтралланади. Ҳосил бўлган кристаллсимон комплекс бирикмаларнинг ноқулай хусусияти шундаки, уларнинг таркибида кучли оксидловчи – перхлорат иони борлиги учун модда термик, статик заряд учқуни каби таъсир натижасида детонацияланиб портлаш хоссасига эга. Синтез жараёнида металларнинг перхлоратлари ўрнида хлорид, сульфат ёки бошқа тузларидан фойдаланилиб реакцион аралашма буғлатилганда уч ядроли гетеробиметаллик аминоацетатли комплекс кристалларининг шаклланиши қийинлашиб, смоласимон масса ҳосил бўлади, яъни маҳсулотни эритмадан қаттиқ ҳолатда ажратиб олиш муаммоси юзага келади.
Мазкур муаммони ҳал этиш учун биз реакция муҳити – сувни бошқа эритувчи билан алмаштириш усулидан фойдаландик. Бунинг учун, юқорида келтирилган реакция тенгламасидаги металл перхлоратларининг ўрнига уларнинг хлоридлари олинди. Реакция охиригача сув муҳитида олиб борилди. Сўнгра чўкмасиз реакцион аралашмага мунтазам аралаштириб турган ҳолатда, муайян миқдорда, чўкма ҳосил бўлгунига қадар ацетон қўшилди. Қўшилган ацетоннинг ҳажми, асосан, комплекс ҳосил бўлиш реакцияси учун лиганд сифатида олинган аминокислота табиатига боғлиқ бўлиб, реакцион аралашма ҳажмига нисбатан бир неча баробар кўп миқдорни ташкил этди. Ҳосил бўлган кукунсимон чўкма фильтрлаб ажратиб олинди ва қуритилди.
Синтез қилинган темир(III) гетеробиметаллик аминокислотали оксо-марказлашган комплексларнинг таркиби ва тузилиши элемент анализ, юпқа қпатламли хроматография, ИК-спектроскопия ва масс-спектрометрия методлари ёрдамида тадқиқ этилди.

Адабиётлар:

1. 
   Абдуллаев Ш.Х. Темир(III) асосидаги уч ядроли гетеробиметаллик оксо-марказлашган карбоксилатларни олиш ва сертификатлаш // Илмий хабарнома – Кимё тадқиқотлари, 2019. – № 1(42). – Б. 49 – 57.
   
2. 
   Thundathil., Holt E.M., Holt S.L., Watson K.L. Preparation and Properities of Iron (III)-Amino Acid Complex. 2. The Crystal and Molecular Strructure of Monoclinic Tri-3-oxo-triaquo hexakis (glicine) triiron(III) Perchlorate.-J.Amer/Chem.Soc.,1997, v.99,, No.6, p.1818-1823.