Temir yo’l transportida avtomatika, telemexanika va telekommunikatsiya texnologiyalari

Tushuntirish xatida rels zanjirlari quvvatining hisobini, o'zgartgichlar va PP25-ETSK turidagi panellarning sonlarini keltirish yetarli.

2.9. PV-ETSK kirish paneli, o'zgaruvchan tok tashqi tarmos'idagi

yuklamalarni hisoblash va DGA ni tanlash

Kirish panelini hisoblashdan maqsad uni quvvat bo'yicha yuklanishini tekshirish va panelning buyurtma hujjatlarida ko'rsatilishi kerak bo'lgan manbalash fiderlaridagi eruvchi kiritmalarning toklarini aniqlashdir.

PV-ETSK turidagi bitta panelning maksimal quvvati - 80 kVA. Bu quvvatdan orttirilganda, PV-ETSK turidagi ikkita panel va shunga muvofiq SHVP-73 (rus. ЩВП-73) turidagi ikkita shchit o'rnatiladi. Bunday holatda panellardan biriga SMB va aloqaning barcha yuklamasi, shuningdek, kafolatlangan ta'minot manbaiga, boshqasiga esa - manevrli postlar va kafolatlanmagan manbaiga ega bo'lgan (umumiy yoritish, ventilyatsiyalash, ustaxonalar va boshqalar) barcha iste'molchilar ulanadi.

Kirish panelining quvvati yuklamalarning alohida ko'rinishlari yig'indisi bilan aniqlanadi: mavjud bo'lgan har xil turdagi summa (yig'indi) yordamida hisoblanadi: SMB aloqa, yoritish va ventilyatsiya qurilmalari hamda manevrli postlar (ular mavjud bo'lganda).

SMB yuklamalarining quvvati PR-ETSK, PVP-ETSK, PSPN-ETSK va PP25-ETSK panellarining yuklamalari bo'yicha aniqlanadi.

PR-ETSK paneli tomonidan PV-ETSK uchun hosil qiladigan yuklamasi PR-ETSK yuklamalarining umumiy quvvati P_pr , Q_pr, S_pr lar hamda TSI va TS2 transformatorlaridagi quvvat isroflaridan tashkil topadi. Har bir TS transformatoridagi quvvat isroflarining aktiv ΔP_tc va reaktiv ΔQ_tc tashkil etuvchilari taqriban quyidagi qiymatlarga teng: ΔP_tc =540 Vt, ΔQ_tc=750 var.

PVP-ETSK panelidan PV-ETSK paneliga o'tuvchi 24 V li nazoratli batareyaning sig'imini tiklash rejimida halokatdan keyingi eng noqulay paytdagi ishlash davrida hosil qilinadi.

Bu yuklamaning aktiv tashkil etuvchisi quyidagi ifoda bo'yicha hisoblanadi:

(40)

bunda, U_zb - batareyaning jadallashtirilgan zaryadlanishidagi kuchlanishi (31 V ga teng [5]); η_p - to'g'rilagich (zaryadlash) qurilmalarining FIK (u 0,6 ga teng).

PVP-ETSK yuklamasining reaktiv tashkil etuvchisi taqriban stansiyadagi strelkalar soni 100 gacha bo'lganda - 1180 var, 100 dan ortiq bo'lganda esa - 1400 varga teng deb olinishi mumkin.

PSPN-ETSK strelka panelidan PV-ETSK paneliga yuklama strelkalarni o'tkazishda, ularning ishchi zanjirlarini P_pcp, Q_pcp, S_pcp manbalash quvvati bilan hamda agar stansiyani isitish ko'zda tutilgan bo'lsa, elektr isitish (220 V li) quvvati bilan aniqlanadi.

Strelkalarni o'tkazish zanjirlarining quvvati bir vaqtning o'zida o'tkaziladigan strelkalarning soniga bog'liq bo'lib, isroflarni hisobga olgan holda EM posti uchun:

60 tagacha strelkali stansiyalarda - P_pcp=2,1 kVt, Q_pcp -0,9 kvar gacha;

60 dan 100 ta strelkali stansiyalarda - P_pcp=3,0 kVt, Q_pcp -0,9 kvar gacha;

100 dan ortiq strelkali stansiyalarda - P_pcp=4,1 kVt, Q_pcp =0,8 ga teng deb qabul qilinishi mumkin [5].

PP25-ETSK panelidan PV-ETSK panelining yuklamasi, panellar soni , ularning ulanish sxemasi, shuningdek, tortqi turi bo'yicha aniqlanadi.

Ma'lumki, rels zanjirlari PCH50/25-300 o'zgartgichlaridan 25 Gts chastotali tokni iste'mol qiladi. Chastota o'zgartgich esa tarmoq tomonidan 50 Gts chastotali tokni iste'mol qiladi.

O'zgartgichning 25 Gts li yuklama va 50 Gts yuklama tomonidan hisobiy quvvatlari orasidagi bog'lanishlar uning yuklanishi va ulanish sxemasiga bog'liq.

PCH50/25-300 turidagi ikkita yoki undan ortiq o'zgartgichlarni o'zgaruvchan tok tarmog'iga yakka holda yoki sinfazali ulaganda, ular har birining 50 Gts chastotadagi hisobiy quvvati 2-ilova bo'yicha aniqlanadi . Ikkita PCH50/25-300 turidagi o'zgarteskari fazali tarmoqqa ulanganda, ularning 50 Gts chastotadagi hisobiy quvvati sinfazali ulanish sxemasidan farqlanadi va 25 Gts chastotali yig'ma yuklanishini hisobga olgan holda 3-ilova bo'yicha aniqlanadi. Shuning udhun agar stansiyada faqat bitta PP25-ETSK turidagi panelni o'rnatish ko'zda tutilgan bo'lsa, unda uning PV-ETSK panelida yuklamasi, Snnu, undagi mahalliy va yo'l o'zgartgichlarining ulanish sxemasiga bog'liq bo'ladi.

Ular sinfazali ulanganda (ushbu uslubiy ko'rsatmaning 2.10. bo'limida

o'zgartgichlarning ulanish shartlari bayon etilgan), 50 Gts chastotada PP25-ETSK panelining hisobiy quvvatini quyidagicha aniqlashimumkin:

(41)

bunda, - 50 Gts chastotadagi o'zgartgichning hisobiy quvvati; u 25 Gts li tomondan, 2-ilovadan uning Sфмп, yuklamalari bo'yicha olinadi (ushbu uslubiy ko'rsatmaning 2.8. bo'limiga qarang); - panelda foydalanilayotgan o'zgartgichlar soni.

Agar mahalliy va yo'l o'zgartgichlarining yuklamalari bir-biridan sezilarli darajada farq qilsa, unda ularning hisobiy quvvati (41) ifoda bo'yicha mahalliy va yo'l o'zgartgichlar uchun alohida anislanib, so'ngra panelning umumiy quvvati ni olish uchun ular qo'shiladi.

Paneldagi mahalliy va yo'l o'zgartgichlari teskari fazada ulangan bo'lsa, unda uning hisobiy quvvati quyidagicha aniqlanadi.

Umumiy holatda bitta panel 2 ta mahalliy va 6 ta yo'l o'zgartgichlaridan iborat bo'lganligi uchun (ma'lumki, yo'l o'zgartgichlari o'zaro sin-fazali ulangan bo'ladi) unda panelning ikki juft o'zgartgichlari 50 Gts li chastotadagi hisobiy quvvati, ularning yig'ma (Sфпп +Sфмп) yuklamasiga bog'liq ravishda 3- ilovadagi ma'lumotlar bo'yicha aniqlanadi.

Shunday qilib, paneldagi teskari fazali ulangan o'zgartgichlarning hisobiy quvvati quyidagicha aniqlanadi:

(42)

bunda, S_2pch - teskari fazada ulangan o'zgartgichlar bitta juftining hisobiy quvvati, u 3-ilovadagi ma'lumotlarga mos ravishda olinadi.

Panel boshqa yo'l o'zgartgichlarining hisobiy quvvati S_pchc. (41) ifoda bo'yicha sinfazali ulangan o'zgartgichlar sifatida aniqlanadi.

Panelning umumiy quvvati S_ppch, bu holatda uni tashkil etuvchi quvvat S_pchp va S_pchc larning yig'indisi sifatida aniqlanishi mumkin.

Stansiyada PP25-ETSK turidagi ikkita panel o'rnatilgan bo'lsa, agar magnitlanishni hosil qiluvchi o'zgartgichlarning umumiy soni to'rttadan ortmagan bo'lsa, ular o'zaro sinfaza ravishda ulanadi. Bu holatda panellarning hisoblash quvvatini aniqlash yuqorida bayon etilgan uslub bo'yicha amalga oshiriladi.

Odatda stansiyada PP25-ETSK turidagi ikkita panel mavjud bo'lganda, ular bir-biriga nisbatan teskari fazada ulanadi. Bunday holatda panel ichidagi mahalliy va yo'l o'zgartgichlari ham sinfazali, ham teskari fazali ulanganda, panelning umumiy quvvati sakkiz juft teskari fazada ulangan o'zgartgichlarning (barcha o'zgartgichlar ishlab turgan holatda bo'lganda) yig'ma quvvati sifatida aniqlanadi.

(43)

Agar stansiyada PP25-ETSK turidagi uchta panel mavjud bo'lsa, ikkita panel o'zaro teskari fazada ulanib, ularning hisobiy quvvati ikkita panelni hisoblash uslubi bo'yicha aniqlanadi. Barcha uchta panelning umumiy quvvati S_ppch ikkita va bitta panelning quvvatlaridan iborat yig'indi sifatida aniqlanadi.

Bunda, o'zgarmas tok elektr tortqi uchastkalarda PP25-ETSK paneli TS3 turidagi transformatori orqali ulanadi (2.10. bo'limiga qarang). Shuning uchun PP25-ETSK panelining kirish panelidagi yuklama quvvati, TS3 transformatorining isroflarni hisobga olgan holda aniqlanishi mumkin.

Ammo o'zgarmas tok elektr tortqisida TS3 transformatori orqali aloqa qurilmalari ham manbalanadi. Bunday holatlarda dastlab TS3 transfor- matori yuklamasining yig'ma quvvati quyidagi ifoda bo'yicha hisoblanadi:

(44)

bunda, S_cv - aloqa qurilmalarining to'la quvvati.

Olingan S_TC3 quvvat qiymati bo'yicha TS3 transformatorida aktiv ΔP reaktiv ΔQ quvvat isroflari aniqlanadi (TS3 dani quvvat isroflarining grafigini 4-ilovadan qarang). Bu quvvat so'ngra SMB qurilmalari tomonidan kirish panelida hosil qilinadigan yuklamani aniqlashda hisobga olinadi.

Kirish panelidagi quvvatlarni hisoblashda, SMB quvvatining 10% miqdoridagi zaxirasi, SMB ning umumiy yuklamasida ko'zda tutiladi.

Asosiy bo'lmagan yuklamalarning quvvati EM posti turiga bog'liq bo'ladi. Ma'lumot uchun 5 va 6 - ilovalarga qarang.

Kirish panelining quvvat hisobi Sna natijalarini yig'ma jadval shaklida ko'rsatish tavsiya etiladi (5 - jadvalga qarang).

Hisoblab chiqilgan Sna quvvat joiz quvvat bilan taqqoslanadi va bitta panelning yetarliligi yoki ikkita PV-ETSK turidagi panellarni o'rnatish kerakligi haqida xulosalar qilinadi.

PV-ETSK panelining quvvatini hisoblash bilan bir qatorda, DGA yuklamasini hisoblash amalga oshiriladi. DGA yuklamasini hisoblashda kafolatlanmagan manbalash iste'molchilarining quvvati hisobga olinmaydi.

Shunday qilib, DGA yuklamasining quvvatini quyidagi ifoda bo'yicha aniqlash mumkin:

(45)

bunda, Ṡ_no, Ṡ_ncn - mos ravishda, kafolatlanmagan yoritish va kuchli yuklamalarning to'la quvvatlari.

DGA turini tanlash quvvatining aktiv tashkil qiluvchisi bo'yicha amalga oshiriladi. Ma'lumki, avtomatlashtirilgan dizel-generatori agregatlari nominal quvvati mos ravishda 12, 24 va 48 kVt li DGA-12, DGA-24 va DGA-48 turlarida ishlab chiqariladi.

Agar DGA yuklamalarini hisoblash natijalari bo'yicha u agregatning joiz yuklamasidan ortib ketganligi aniqlansa, unda yuklamalar quvvatini kamaytirish to'g'risida qaror qabul qilinadi; bu, birinchi navbatda, yuritmalarni elektr isitish 220 V dan 127 V ga qayta ulash hisobiga amalga oshiriladi. Qizish quvvatining kamayishini hisobga olgan holda SMB yuklamasi va mos ravishda DGA hamda kirish paneli yuklamalarining quvvatini aniqlash amalga oshiriladi.

Ammo turli stansiyalarning real shart-sharoitlarida EM quvvati ham turlicha bo'lishi mumkin. Shuning uchun manbalash fiderlaridagi saqlagichlarning eruvchi kiritmalari himoyaning selektivligi uchun haqiqiy yuklamalarga mos bo'lishi kerak.

Eruvchi kiritmalarni hisoblash maabalash tizimining eng ko'p yuklangan fazasi bo'yicha amalga oshiriladi. Agar fazalar yuklanishining ravonligi hisobga olinsa, u holda fazali kuchlanish U_ϕ (220 V) ning har bir fazasidagi hisobiy toki In quyidagicha bo'ladi:

(46)

I_ϕ tokining hisoblangan qiymati bo'yicha eng yaqin (yuqori tomonga) qiymatdagi andozaviy eruvchan kiritma tanlanadi. PV-ETSK paneli quyidagi toklar 63, 80, 100 va 125 A bo'yicha andozaviy eruvchan kiritmalar bilan ishlab chiqariladi.

MRM postining elektr ta'minoti qurilmalarini (ETQ) hisoblash yakunida manbalash qurilmasining quvvat koeffitsiyenti cos𝜑 aniqlanadi. cos𝜑 ning kichik qiymatida uni orttirish bo'yicha tadbirlarni ko'zda tutish kerak bo'ladi (misol uchun, qoplovchi kondensatorlarni o'rnatish).