Tema: yubka etegine islew beriW. Jumıstıń maqseti

---

Ámeliy sabaq. 
Tema: YUBKA ETEGİNE İSLEW BERİW. 
 
Jumıstıń maqseti: 
Yubkanıń etek bólegine islew beriw usılın úyreniw. 
Tapsırma:
Yubka etegin hóq qıylı usıllarda islew beriwdi orınlaw. 
 
Yubka etegine model hám gezleme qásiyetlerine qarap, hár qıylı usıllarda 
islew beriw múmkin (6.7-súwret): qırqımı jabıq búkpe tigis penen, ashıq qırqımlı 
júrmelengen búkpe tigis penen, jiyek qoyıp yamasa tesma qoyıp tigilgen. 
6.7-súwret. 
 Yubkanıń etegin tigiw: 
a-jasırın tigisli arnawlı mashinada tigiw, b-universal mashinada búgip tigiw,
d-tesma qoyıp tigiw, e-jelimli plyonka qoyıw,
f-universal mashinada bastırıp tigiw. 
Yubkanıń etegi aldın ulgige qarap anıqlap alınadı hám yubka eteginiń búgiw sızıǵı 
sızıp alanadı. Bunıńushın, onı aldı hám arqa bólekleri ortasınan búgip, qaptal 
tigisleri simmetirk vıtachka hám basqa tigisleri bir-biri menen ústre-úst keltiripilip, 
stolǵa jayıladı. Bunda yubkanıńońı sırtqa, terisi bolsa ishke qaratılıwı kerek.

---

Andaza qoyılıp, joqarıǵa qaratıp qoyılǵan tamanında qırqıw hám búgiw sızıqları 
belgilenedi. Tómenge qarap turǵan tamanı joqarǵa aylantırılıp, onda tek búgiw 
ızıǵı belgilenedi. Yubkanıńtaxlamaları bolsa, olardı kóklep qoyılǵan sabaqları sótip 
taslanadı. Yubka tigisleri búgip utyuglengen bolsa, olar etek qırqımınan 8-10 sm 
aralıqta kertilip, ol aralıqtaǵı qırqımı jarıp utyuglenedi. 
Yubka modelge qarap, etekti búgip tigiwden aldın arnawlı mashinada bar yamasa 
eki tigisqatar júrgizip, búgip kóklew kerek boladı. Birinshi tigis qatar menen búgiw 
haqı búgip kóklenedi, ekinshisi menen bolsa búgiletuǵın qırqım kóklenedi.
Ayırım modellerde etektińbúgiletuǵın jeri tigiw haqınıńqırqımına tesma qoyıp 
islew beriledi. Aldın tesmanıńbir shetin biriktirip tigiw mashinasında etektińbúgiw 
haqına bastırıp tigiledi, keyin bolsa tesmanıńekinshi shetin jasırın tigili mashinada 
yubkanıńetegine puxtalanadı. 
Biriktiriwshi taqlaması bar yubkalar etegine ilew bergende taqlama haqları 
puxtalanatuǵın sheti dárejesinde, biriktirme tigis, tigis qatarlarına 0,2-0,3 sm 
jetkizbey kertip qoyıladı. Tigistińtómengi uchastkası jarıp utyuglenedi. 
Yubka tez ótiletuǵın jún gezlemeden tigilgen bolsa, etek qırqımına tesma tigiledi. 
Sonday-aq onı universal mashinalarda búgip tigiledi yamasa arnawlı mashinada 
júrmelenedi. Yubka tıǵız toqılǵan jún gezlemeden tigilgen bolsa eteginińbúgiw 
haqı jelimlep, jabıstırıp qoyılsada boladı. Bunıń ushın onıńshetine júrmelengen 
qırqımlardan 0,1 sm aralıqta jelimli plyonka qoyıladı. Etek búgip kóklenedi hám 
presslep jabıstırıladı. Yubka jip gezlemeden tigilgen bolsa, onıń etek qırqımı jasırın 
tigisli arnawlı mashinada yamasa universal mashinada tigip qoyıladı. Bunda búgiw 
haqı kóklenbeydi. Yubkanıń etegi utyugte yamasa preste utyuglenedi.