Tema: Suffiyler, sufizmniń shıǵıs mánawiyatındaǵı ornı. Sufizm jónelisi

Sufizmlik tariqatları. 

Kóbinese sufizm yaki tariqat degende mashaqatlı ómir 

jolı,  tárki  dúnya  etiw,  zamanagóy  pán  jetiskenliklerinen  waz  keshiw,  miynet 

etpesten tek ǵana ibadat penen shuǵıllanıw, ózin-ózi qıynaw kóz aldımızǵa keledi.  

Tiykarında da solay ma? Tiykarınan alǵanda, sufizmniń shın mánisi nápsini 

páklew, ádep-ikramlılıqtı shıraylandırıw, mánáwiy kamalatqa erisiwden ibarat.  

Bul  maqsetlerge  erisiw  ushın  alımlar  tárepinen  arnawlı  mektepler—

tariqatlar dúzilgen. 

Tariqat

  arab  tilindegi  sóz  bolıp,  «jol»  mánisin  ańlatadı.  Sufizmlikte  bolsa 

bul  belgili  jol  baslawshı  (murshid,  pir)  tárepinen  Quran  hám  hádisler, 

sahabalardıń  jol-jorıqlarınıń  tiykarında  islep  shıǵılǵan  ruwxıy  pákleniw  jolı, 

metodı jıyındısı esaplanadı. 

Búgingi  kúnde  tariqatlar  sanı  kóp  bolıp,  olardıń  eń  irileri  Yassawiya, 

Kubrawiya  hám  Naqshbandiya.  Itibarlıǵı  olardıń  barlıǵı  ana  jurtımızda  júzege 

kelgen. 

Mawarawnnaxrda  sufizmniń  júzege  keliwi  shayx  Ábiw  Yaqub  Hamadaniy 

(ólimi.1140—41j.)  atı  menen  baylanıslı  bolsa  da,  XII  ásirde  Oraylıq  Aziyada 

payda  bolǵan  dáslepki  sufizm  tiykarın  salıwshı  Xoja  Ahmed  Yassawiy  bolıp 

tabıladı.