Tema: Serverler

Server túsinigi
Tarmaqqa jalǵanǵan, turaqlı jumıslaytuǵın hám tarmaqtıń túrli xızmetlerin atqaratuǵın kompyuterge server dep ataladı.Server tarmaqtaǵı maǵlıwmatlardı saqlaydı, tarmaqtıń basqa noqatlarına uzatadı hám tiykarǵı xızmeti paydalanıwshılardı internetge jalǵaydı.
Áyne mine sol xızmetlerdi atqaratuǵın shólkemdi-provayder dep ataydı. Olardıń Serverleri internetke kiriw dárwazaları esaplanadı.musad. uzmusad. uz.
Server protsessorları
Bunnan tısqarı server sózi tómendegishe sırtqı kórinislerde de isletiledi.Ajıratılǵan server: Iri kompaniyalar kóplegen kompyuterlerge iye boladı. Shólkemniń barlıq tarmaq xızmetlerin basqarıw ushın bólek kompyuter ajıratılıp, oǵan arnawlı programmalar ornatıladı, internetke turaqlı halda jalǵanadı jáne onı ajıratılǵan server dep aytadı.Bul server arqalı barlıq kompyuterler internetke shıǵa aladı.
Virtual server: kúni-túni internetke jalǵanǵan kompyuterdi isletiw ápiwayı paydalanıwshıǵa qımbatqa túsedi. Sol sebepli olar basqa serverdiń yadınan bos jaydı girewge aladılar hám virtual serverdi iyeleydi.Bul dál ózińizdiń internette kepillik xanańızǵa uqsaǵanday.Álbette, paydalanıwshı fizikalıq server menen paydalanıw huqıqına iye bolmaydı, lekin tarmaq arqalı virtual serverge kirip, kerekli maǵlıwmatlardı jazıp qoyıwı múmkin.Keyin tarmaqqa kiritilgen maǵlıwmatlardı basqa paydalanıwshılar kúni-túni oqıwı múmkin.
Ádette, bunday xızmetti provayderlar kórsetedi jáne onı “xosting” (anglichan-hosting) dep ataydı.
Serverdegi xosting xızmetleri eki qıylı boladı: pullı hám biypul. Pullı xosting xızmetlerge bay hám tez isleydi, biypulında bolsa xızmet túrleri kem, islew tezligi tómen hám saytıńızda ózgelerdiń reklamaları payda bolıp turadı. Úyreniwge biypul xosting bolaberedi, lekin saldamalı joybarlar ushın pullıserverler zárúr.
Proksi-server: paydalanıwshı hám internet arasındaǵı arnawlı dáldalshı programma. Onı isletiw shárt emes, lekin bul programma járdeminde web betleriniń júklew procesin tezlestiriw múmkin. Proksi-server internetten kóp kóretuǵın betlerdi qattı disktaǵı bazaǵa saqlaydı hám taǵı sol betler soralǵanda internetten emes, bálki yadınan kórsetedi.
Ádette, proksi-server ajıratılǵan serverge ornatıladı hám tarmaq xızmetlerin da atqaradı: jergilikli tarmaq kompyuterlerin internetke jalǵaydı. Tarmaqtaǵı kompyuterler internet sorawların ajıratılǵan serverge uzatadı, serverde bolsa proksi programması sorawlardı internetke shıǵaradı hám sırttan kelgen maǵlıwmatlardı tarmaq kompyuterlerine jetkerip beredi.Taǵı proksi programması járdeminde kompyuterlerdiń tarmaqtaǵı jumıs procesin basqarıp, gúzetip turıwda múmkin.