Tema: Respublikamızda salıq sistemasınıń ózgeshelikleri: rawajlanıw hám jetilisiw mashqalaları

I Bap. O’zbekstan Respublikasında salıq sistemasınıǹ qàliplesiw hàm rawajlanıw basqıshları.

1. Respublikamızda salıq sıyasatı hàm onıǹ huqıqıy tiykarları.

Ózbekstanda alıp barılıp atırǵan salıq siyasatınıń tiykarǵı baǵdarları xojalıq jurgiziwshi sub'ektler moynındaǵı salıq júgin jáne de optimallastırıwǵa, kishi hám jeke biznesdi rawajlandırıwǵa, puqaralardıń real dáramatların asırıwǵa hám olardıń satıp alıw qábiletin kóteriwge hámde salıq administratorchiligini jáne de jetilistiriwge qaratılǵan.

Ekonomikanı modernizasiya etiw sharayatında jámiyet ekonomikalıq rawajlanıwı bir tárepden onıń ishki mexanizmına baylanıslı bolsa, ekinshi tárepden basqarıwdıń xarakterine, sociallıq-siyasiy jaǵdayǵa, teń salmaqlılıqǵa baylanıslı boladı. Ápiwayı etip aytqanda ústki qabatǵa da tikkeley baylanıslı. Usı processda sociallıq siyasat bólek rol oynaydı. Sociallıq siyasat óz gezeginde ishki hám sırtqı mádeniy-aǵartıwshılıq, siyasiy, ekonomikalıq siyasat sıyaqlılarǵa bólinedi.

Ekonomikalıq siyasatda óz gezeginde finans, pul-kredit, byudjet, salıq siyasatı sıyaqlı túrlerde ámel etip, olardı pútinligi makroekonomikali'q dárejede nızam shıǵarıwshı, atqarıw etiwshi hám sud húkimetleri xızmetleriniń tiykarǵı ajıralmaytuǵın bólegine aylanadı. Sol orında soliq siyasatınıń mazmunıǵa toqtalıp ótetuǵın bolsaq, joqarıda belgilengenenindey, salıq siyasatı - bul ekonomikalıq siyasattń ajıralmaytuǵın bir bólegi bolıp, mámlekettiń arnawlı bir dáwirde anıq maqsetlerge qaratılǵan salıq salasındaǵı iskerligi bolıp tabıladı. Ol strukturaan salıqlardı engiziw, salıqqa tiyisli huqıqıy baza jaratıw,engizilgen salıqlar hám salıqsız tólewlerdi ámeliyatda islew mexanizmın qáliplestiriw hám natiyjeliligin asırıwǵa qaratılǵan mámlekettiń tiyisli kepillikli shólkemleri tárepinen kompleks tárzde alıp barılatuǵın ilajlar jıyındısı bolıp tabıladı.

Mámleket salıq sisteması qásiyetleri, baǵdarları, qanday salıqlardıń usınıs etiliwi, olar ortasındaǵı qatnasın támiyinlew sıyaqlı máselelerdi salıq siyasatı belgilep beredi.

2.