Тема. Менеджмент. Маркетинг пәниниң предмети, объекти ҳәм методы

1-кесте.
Менеджмент ҳәм басқарыў

Басқарыў

- Жетик, жоқары исскуство ҳәм шеберлик талап етиўши таңлаў - Еркин, ғәрезсиз пән - Хызмет түри, функция - Процесс - Шөлкемлерди басқарыўшы адамлар - Басқарыў аппараты ямаса органы

Менеджмент

Ҳәр қандай хызметтиң жақсы нәтийже бериўи ямаса ерисиўи, ең дәслеп таңлаўды дурыс атқарып билиўге, мақул болған ҳәм исенимли қарарды қабыл етип билиўи, бул қарардың орынлаўын қадағалап билиўге байланыслы.
Басқарыў - бул таңлаў, қарар қабыл етиў ҳәм оның орынланыўын қадағалаў процесси³.
Менеджмент пәни бул - басқарыўшы таңлаўды дурыс әмелге асырыў ҳәм ақыл менен қарарды қабыл етиўди үйретиўши пән. Оның тийкарғы мақсети базар қатнасықлары шәраятында барлық буўынларда нәтийжели ис алып бара алатуғын жоқары маманлықта басқарыўшыларды таярлаўдан ибарат. Соннан келип шығып, Менеджмент төмендегилерди үйренеди:
- басқарыў теориясын ҳәм оның практикасын;
- басқарыў объекти ҳәм субъекти;
- басқарыў принципи ҳәм усыллары;
- басқарыў мәденияты;
- менеджер ҳәм оның қәсийетлери;
- менеджер рейтинги;
- басқарыўда кириў, ислей билиў ҳәм қарар қабыл етиў;
- басқарыў функциялары;
- кадрларды басқарыў;
- өндиристи басқарыў;
- өнимдарлықты (нәтийжели, өнимли) басқарыў;
- өзин - өзи басқарыў;
- территориялық басқарыў ҳ.т.б.
Бул пәнниң мазмуны басқарыў системасы ҳәм басқарыў объекти арасындағы өз - ара қарым - қатнас болып, оның негизги ўазыйпасы оқыўшыларға басқарыўдың заманагөй усылларын, басқарыў, басшылық етиў исскуствосын, оның сырларын үйрентиўден ибарат.
Ҳәммеге усы нәрсе анық болмақта, ҳәр бир хызмет көрсетиў тараўы, мәмлекткти басқарыўдан баслап, жәмәәтти басқарыўға шекемги профессионал билим талап етеди. Басқарыў қурамалы пән болып өзиниң фундаментал тәреплери, методологиялары, телефоннан баслап, компьютерға шекемги техникалық қуралларына ийе. Басқарыў тараўында ислеп киятырған ҳәр бир қәниге усы методология ҳәм қураллардан пайдаланып билиўи керек. Басқарыў жоқары мәденият, кең билим ҳәм жумыс, ис алып барыў тәжирийбесин талап етеди.
Солай етип, басқарыў кең мәнисте өнимли нәтийжелерге ерисиў ушын кем ўақыт ҳәм күш сарыплап басқарыў объектине (шахс, жәмәәт, технологиялық процесс, кәрхана, мәмлекет) үзликсиз тәсир етиў процесси.

2.