Tema Aralıqtan oqıtıwdı shólkemlestiriwde paydalanılatuǵın sistemalar Reje

Tema 4. Aralıqtan oqıtıwdı shólkemlestiriwde paydalanılatuǵın sistemalar
Reje:

1. 
   Komp`yuter oqıw u`lgileri
   
2. 
   HelpWriter ja`rdeminde oqıw materiallrın jaratıw texnologiyası
   
3. 
   Oqıw mag`lıwmatnamaların jaratıw
   

Tayanish tu’sinikler: Xabar ta`minatı, Komp`yuter oqıw u`lgileri (KOU`), Zamanago`y komp`yuter sabaqlıg`ın jaratıw, Lokal gipertekstli materiallardı jaratıw.
Kadrlar tayarlawdın` en` keleshegi ullı dep ta`n alıng`an oqıtıw formalarınan biri-aralıqtan oqıtıw (AO) respublikamızda endi g`ana rawajlanbaqta.
Bunda siyasiy, finanslıq, texnikalıq ha`m tiykarg`ısı AO sistemasının` za`ru`r xabar ta`minatı jeterli emesligin tiykarg`ı sebep sıpatında ko`rsetiw orınlı.
“Xabar ta`minatı ” yaki “Xabar ortalıg`ı ” degende, oqıw protsesin oqıw ha`m metodikalıq a`debiyatlar ja`nede basqa xabar materialları menen ta`miynlengenligi tu`siniledi. Ma`selen, oqıw protsesin payda etiw, rejelestiriw ha`m tekseriw boyınsha materiallar yaki arnawlı komp`yuter (xabar) texnologiyaları ha`m oqıw protsesin baqlaw ushın jaratılg`an materiallar menen ta`miynlengenligi solar qatarında.
Ma`mleket klassifikatorı boyınsha bir neshe ju`zlep joqarı oqıw (bakalavr ha`m magistr) bag`darları ha`m tarawları bar. Ha`r bir oqıw rejesine 40 tan aslam predmet kiritilgen.Ulıwma auditoriya sanı 5000 saatqa jaqın. 1 saat tayarlıq ushın islep shıg`ılatug`ın komp`ter ta`minatı (sırt el dereklerge muwapıq) 50 den 500 saatqa shekem kadr-da`stu`rshinin` waqtı jumsaladı. Sonın` ushın,1 saat oqıw kurstın` bahası 10000 dollarg`a shekem ko`teriliwi mu`mkin.
Solay etip, AO xabar ta`minatın jaratıw ma`mleket ko`leminde a`melge asırılıwı sonday-aq tu`rli taraw qa`niygelerinin` qaratılıwı za`ru`r bolg`an qıyın,uzaq mu`ddetli ha`m qımmbat protsess. Bul jag`dayda xabar ta`minatı boslıg`ın ne menen toltırıw mu`mkin? Bul orında JOOları ara jumıslarg`a ayrıqsha itibar beriw lazım.Qoyılg`an soraw ha`m mashqalalardı sheshiwde, JOO ları da`stu`riy ha`m aralıqtan oqıtıw oqıw protsesinen paydalanıw ushın komp`yuter oqıw materialları ha`m quralların jaratıw ta`jiriybeleri na`tiyjelerine tiykarlang`an jag`dayda ko`rsetemiz.