Тема: Анатомия панинин классификациясы рауажланыу тарийхы хам уйрениу методы

súwret. Moyın bulshıq etleri.

1- kúlki bulshıq eti; 2- jaq-til astı bulshıq eti; 3- eki qarınlı bulshıq et: a) – aldınǵı qarınshası; b) – arqa qarınshası; 4- biz tárizli ósik penen til astı súyegi arasındaǵı bulshıq et; 5- moyınnıń teri astı bulshıq eti; 6. tós – omıraw – emizik tárizli bulshıq et; 7- gúrek - til astı bulshıq etiniń joqarǵı qarınshası; 8. tós – til astı bulshıq eti; 9- trapetsiya tárizli bulshıq et; 10- kókirektiń úlken bulshıq eti.

Til astı súyegi tusındaǵı bulshıq etler

Til astı súyeginen joqarıda jaylasqan bulshıq etler

1. 
   Jaq-til astı bulshıq eti, tómengi jaqtıń jaq-til astı liniyasınan baslanıp til astı súyeginiń denesine jabısadı.
   
2. 
   Eki qarınlı bulshıq et, emizik tárizli ósikten baslanıp tómengi jaqtıń oyıqshasına birigedi.
   
3. 
   Biz tárizli ósik penen til astı súyegi arasındaǵı bulshıq et, biz tárizli ósiktiń aldınǵı tárepinen baslanıp, til astı súyeginiń denesine jabısadı.
   
4. 
   Iyek-til astı bulshıq eti, tómengi jaqtıń ishki tárepinen baslanıp til astı súyeginiń denesine jabısadı.
   

Joqarıda atap ótilgen bulshıq etler qısqarsa til astı súyegin joqarıǵa kóteredi. Eger til astı súyegi qıymıldamay tursa shaynaw bulshıq etlerine antogonist sıpatında xızmet atqaradı, tildi joqarıǵa kóterip jutıwda qatnasadı.

Til astı súyeginen tómende jaylasqan bulshıq etler

1. 
   Tós-til astı bulshıq eti, tós súyegi tutqıshınıń arqa tusınan, tós omıraw buwınınan baslanıp, til astı súyeginiń tómengi júzine jabısadı. Qısqarǵanda til astı súyegin tómenge tartadı.
   
2. 
   Tós qalqan tárizli bulshıq eti,-tós súyegi tutqıshınıń arqa júzinen, I qabırǵa shemirsheginen baslanıp, qalqan tárizli shemirshektiń qaptalına jabısadı. Qısqarǵanda kómekeydi tómenge tartadı.
   
3.