Тема: Анатомия панинин классификациясы рауажланыу тарийхы хам уйрениу методы

Til astı qalqan tárizli bulshıq eti, qalqan tárizli shemirshektiń qıysıq sızıǵınan baslanıp, til astı súyeginiń denesine hám úlken shaqına jabısadı. Til astı súyegi qıymıldamay tursa kómekeydi joqarıǵa tartadı.

Gúrek til astı bulshıq eti. Gúrektiń joqarǵı shetinen baslanıp, til astı súyeginiń denesine jabısadı. Qısqarǵanda til astı súyegin tómenge tartadı.

Moyınnıń shuqır jaylasqan bulshıq etleri

Qaptal táreptegi qabırǵalarǵa birigetuǵın bulshıq etler

1. 
   Aldıdaǵı basqaldaq bulshıq et, III-IV moyın omırtqaları kese ósikleriniń aldınǵı dóńshelerinen baslanıp, I qabırǵanıń usı atamadaǵı dóńshesine jabısadı.
   
2. 
   Ortadaǵı basqaldaq bulshıq et, barlıq moyın ómırtqalardıń kese ósiklerinen baslanıp, I qabırǵanıń arqa tárepine jabısadı.
   
3. 
   Arqadaǵı basqaldaq bulshıq et, V-VI moyın omırtqalarınıń kese ósikleriniń arqasındaǵı tompaqshalardan baslanıp, II qabırǵanıń sırtqı júzine jabısadı.
   

Basqaldaq bulshıq etler I–II qabırǵalardı kóteredi. Eger qabırǵalar qıymıldamay tursa omırtqa baǵanasınıń moyın bólimin qaptalǵa búgedi.

Omırtqa aldı bulshıq etleri

1. 
   Moyınnıń uzın bulshıq eti, tómengi úsh moyın hám joqarǵı úsh kókirek omırtqaları deneleriniń qaptal júzinen, omırtqalar arasındaǵı shemirshekten II-VI moyın omırtqaları kese ósikleriniń aldınǵı tompaqshalarınan baslanıp II-IV moyın omırtqaları deneleriniń qaptalına V–VI moyın omırtqaları kese ósikleriniń aldınǵı tompaqshalarına, aksistiń denesine hám atlanttıń aldınǵı tompaǵına birigedi. Qısqarǵanda moyındı aldıǵa búgedi, eger bir tárepi qısqarsa omırtqa baǵanasınıń moyın bólimin qaptalǵa búgedi.
   
2. 
   Bastıń uzın bulshıq eti. III-VI moyın omırtqaları kese ósikleriniń aldınǵı tompaqshalarınan baslanıp, eńse súyeginiń tiykarǵı bóliminiń tómengi júzine jabısadı. Qısqarǵanda bastı aldıǵa búgedi.
   
3.