Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

Ma’jbu’riy ajıratpalardı esaplaw h’a’m to’lew ta’rtibi

Respublika jol fondına ma’jbu’riy ajıratpalar salıq salınatugın bazadan h’a’m tastıyıqlang’an stavkadan kelip shıqqan h’alda h’a’r ayda esaplap shıg’arıladı.
Respublika jol fondına ma’jbu’riy ajıratpalardın’ esap-kitabı (16-u’lgi) salıq boyınsha esapqa alıw jerindegi ma’mleketlik salıq xızmeti organlarına artıp barıwshı juwmaq penen:
-mikrofirmalar h’a’m kishi ka’rxanalar ta’repinen jıldın’ h’a’r shereginde, esabat dawirinen keyingi aydın’ 25-ku’ninen keshiktirmey, jıl juwmaqları boyınsha bolsa jıllıq finanslıq esabat tapsırılatugın mu’ddetke;
-mikrofirmalar h’a’m kishi ka’rxanalar quramına kirmeytug’ın salıq to’lewshiler ta’repinen h’a’r ayda, esabat da’wirinen keyingi aydın’ 25-ku’ninen keshiktirmey, jıl juwmaqları boyınsha bolsa, jıllıq finanslıq esabat tapsırılatugın mu’ddette usınıladı.
Respublika jol fondına ma’jbu’riy ajıratpalardı to’lew esabat dawirinen keyingi aydın’ 25-ku’ninen keshiktirilmey a’melge asırıladı.
Salıq kodeksinin 54 bapına muwapıq Respublika jol fondına ma’jbu’riy ajıratpalardan tısqarı jıyımlar h’a’m to’lenedi.

Jol fondına jıyımlardı to’lewshiler obekti h’a’m bazası

Respublika jol fondı jıyımlarına to’mendegiler kiredi:
-avtotransport qurallardı alg’anlıq h’a’m O’zbekstan Respublikası aymag’ındag’ı waqtınshalıq alıp kirgenlik ushın jıyım;
-shet ma’mleketler avtotransport qurallarının’ O’zbekstan Respublikası aymag’ına kirgenligi h’am onın’ aymag’ı arqalı tranzit ta’rizde o’tkenligi ushın jıyım.
A’meldegi salıq kodeksinin 321-statyasına muwapıq avtotransport qurallarını alıwshı yamasa O’zbekstan Respublikası aymag’ındag’ı waqtınshalıq alıp kiriwdi a’melge asırıwshı O’zbekstan Respublikası rezidentleri h’a’m norezidentleri avtotransport quralların alg’anlıq yamasa O’zbekstan Respublikası aymag’ındag’ı waqtınshalıq alıp kirgenlik ushın jıyım to’lewshileri bolıp esaplanadı. Shet ma’mleketler avtotransport qurallarının’ iyeleri yamasa paydalanıwshıları usı qurallardın’ O’zbekstan Respublikası aymagına kirgenligi h’a’m onın’ aymag’ı arqalı tranzit ta’rizde o’tkenligi ushın jıyım to’lewshileri bolıp esaplanadı.
Jıyımlar ushın obekt to’mendegiler:
-avtotransport quralların alıw yamasa O’zbekstan Respublikası aymag’ında waqtınshalıq alıp kiriw;
-shet ma’mleketler avtotransport qurallarının’ O’zbekstan Respublikası aymag’ına kiriwi h’a’m onın’ aymag’ı arqalı tranzit ta’rizde o’tiw;
jıyımlar o’ndiriletug’ın baza sıpatında to’mendegiler belgilengen:
-alıng’an yamasa O’zbekstan Respublikası aymagında waqtınshalıq alıp kiriletug’ın avtotransport qurallarının’ qunı;
-O’zbekstan Respublikası aymag’ında kirgeninde yamasa onın’ aymag’ı arqalı tranzit ta’rizde o’tkeninde shet ma’mleketlerdin’ avtotransport quralları.