Tema : Muzıka kórkem óneri túrleri boyınsha dógereklerdi shólkemlestiriw boyınsha metdikalıq usınıslar Tema rejesi

Kórkem háweskerlik dógeregi jumısların shólkemlestiriw usılları
Oqıwshılardı qosıq aytıwǵa tayyarlaw barısında jumıslar hám dawıs sazlaw tárbiyası túrkimine kiredi. Belgili, hár bir sabaq atqarıwshılardıń dawıs qosıq aytıwǵa tayarlaw hám esitiw qábiletin kózde tutıwshı shınıǵıwlardı orınlawdı baslaydı.
Bul sabaq 10-15 minut hám onnan kóp dawam etedi. Dawıstı qosıq aytıwǵa tayarlaw shınıǵıwları belgili tártipte ótkerilip, dawıstı jańǵırıp shıǵıwına erisiledi. Nátiyjede oqıwshılardıń dawıs imkaniyatları bekkemlenedi.
Oqıwshılardı qosıq aytıwǵa tayarlawdıń túrli usılları tómendegilerden ibarat:
-shınıǵıwlardı pútkil topar menen yamasa óz aldına dawıs túrleri boyınsha kishi toparla menen islesiw;
-belgili bolǵan únli dawıslar, buwın hám sózler járdeminde alıp barıw;
-túrli ses jónelisleri usılında jumıs alıp barıw;
-túrli dinamikaǵa tán bolǵan usılda jumıs alıp barıw;
-ayırım xalıq qosıqları bólekshelerden paydalanıp islew;
-diapazonnıń belgili bóliminde keń ayttırıp jumıs alıp barıw;
Dawıstı atqarıwǵa tayarlaw shınıǵıwları ápiwayıdan quramalıǵa qaray alıp barıw tártibinde ótkeriledi. Kórkem háweskerlik dógerekleri, mádeniyat úyleri hám sarayları hámde oqıw jurtları qasında dúziledi.
Dógerek háweskerlik dógeregi dúziwdiń shólkemlestiriwshi basqıshı
Dógereklerdi dúziw quramalı hám uzaq dawam etetuǵın qubılıs bolıp esaplanadı. Dógerek dúziw dáslep shólkemlestiriw jumıslarınan baslanadı hám óz sheńberinde bir qatar mashqalalardı qamtıp aladı. Bular:
Dógerek dúziw menen baylanıslı bolǵan máselelerdi dáslepki dodalawdan ótkeriw;
Dógerekke qatnasıwshılardı qamtıp alıw hám onıń tárkibin toltırıw;
Jańa dúzilgen dógerek penen hám basshılardıń dáslepki ushırasıwın shólkemlestiriw;
Dógerekke kiriwshilerdiń dawıs muzıkalıq uqıpların tekserip shıǵıw.
Tónmendegi mashqalalardıń hár birin óz aldına alohida – alohida kórip shıǵamız.


Dógerek dúziw máseleleriniń dáslepki dodalawı

Kórkem háweskerlik dógereklerin dúziw jumısı dógerek basshısınıń dógerekti shólkemlestiriw menen baylanıslı bolǵan arnawlı jıynalısında dodalaw maqsetke muwapıq boladı hám nátiyjeli bolıp esaplanadı. Bunday arnawlı dógerek shólkemlestiriwden mánpaatdarlıq bolǵan barlıq shaxs mirat etiledi.

Jıynalısta shólkemlestirilejaq dógerektiń kórkem atqarıwshılıq jónelisi, materiallıq bazası, sabaqlardıń tártibi sıyaqlı máseleler dodalanıwı kerek. Usı jıynalısta dógerekke qatnasıwshılardı qamtıw jolları belgilenedi hám tastıyıqlanadı. Kórkem háweskerlik dógeregi qatnasıwshıların qatnastırıwdı anıq bir shaxsga júklew kerek. Usı jıynalıstıń ózinde kórkem háweskerlik dógeriginiń ápiwayı bazasın jaratıw hám tolıq quramın shólkemlestiriw jumıslarına ketetuǵın múddetin anıq belgilep alıw talap etiledi.