Телекоммуникация

WDM тизимининг тузилиши

Ҳозирги пайтда WDM маълумотларни узатувчи аналог тизимлар каби оптик синхрон тизимларда ҳам тўлқин бўйича мультиплексорлаш (FDM) вазифасини ўтайди. Шу сабабли WDM тизимлари, частота бўйича оптик мультиплексорловчи (OFDM) тизимлар номини олди. Лекин бундай технологиялар бир-биридан кескин фарқ килади. FDM да бир ён частота оралиғига эга бўлган амплитудавий модуляциялаш механизми қўлланилади. OFDM модуляция механизмида эса, элтувчи частоталар алоҳида манбалар (лазерлар) да ишлаб чиқилади. Бундай сигналлар битта кўп частотали сигналга мультиплексорлар ёрдамида бирлаштирилади. Унинг ҳар бир ташкил топувчиси (элтувчиси) турли синхрон технологиялар қонуни бўйича шакилланган рақамли сигналларнинг оқимларини, масалан битта элтувчи АТМ трафикни, бошқаси SDH ни, учинчиси эса PDH ни узатиши мумкин. Бунинг учун элтувчи, узатувчи трафикка мос келувчи рақамли сигнал билан модуляцияланади. Қуйидаги 7.1 – расмда WDM тизимининг блок схемаси кўрсатилган.


DWDM(Dense Wavelenght Division Multiplexing) – транспорт технологияси битта оптик жуфтлик орқали унча катта бўлмаган тезликни таъминлайди. Бунга юқори тезликли тўлқин узунлигини мультиплексорлаш орқали эришилади. Бунда ҳар бир оптик жуфтлик орқали бир-бирига боғлиқ бўлмаган бир неча оқим узатилади ва уларнинг ҳар бири ўзининг оптик диапозонига эга. Бундай қурилма 16128 канални қўллаш имконига эга ва унинг ҳар бирида шаффоф ҳолдаги тезлиги 100 Мбит/с дан 100 Тбит/с гача бўлган ахборотли оқимларни узатиши мумкин
DWDM тармоқлари қуйидагича асосий афзалликларга эга:

• 
  узатиш тезлигининг юқорилиги;
  
• 
  ҳалқа тапологияси асосида 100 % ли захирани таъминлаш имконияти;
  
• 
  оптик толадаги каналларнинг шаффофлиги туфайли канал сатхида ҳар қандай технологияни қўллаш имкони;
  
• 
  оптик магистралдаги каналлар сонини соддагина ошириш имкони.
  

.