Телекоммуникация технологиялари факультети

Ҳисобот мазмуни

1. 
   PAL кодер таркибий схемаси ва унинг тушунчалари.
   
2. 
   Назорат нуқталарида осциллограммлар тасвири ва уларга бериладиган изоҳлар.
   
3. 
   Тадқиқот натижаларининг ҳисоботлари
   

Назорат саволлари

1. 
   PAL рангли телевидения тизимида сигнал кодерининг вазифалари.
   
2. 
   Кодернинг таркибий схемаси бўйича PAL тизимида сигналлар кодланиш ҳамда тўлиқ рангли сигнал олиш тамойилларини тушунтиринг.
   
3. 
   PAL тизимида ранглилик сигналини узатишда фзалар коммутациясини тушунтиринг.
   
4. 
   Бошқарувчи импульслар блоки вазифасини тушунтиринг.
   
5. 
   Синхроимпульс ажралиш блокининг вазифалари. Ранг ёритилганлиги ва ёритилганликнинг тебраниш фазалари шаклланишини тушунтиринг.
   
6. 
   Ёрқинлик сигнали чизиғида тутилувчи катталикларни танлашни тушунтиринг.
   
7. 
   Квадратурали балансли модуляциянинг асосий ўзига хос хусусиятларини тушунтиринг.
   
8. 
   БМ балансининг бузилиши нималарга олиб келади?
   
9. 
   PAL кодерида рангли частота нималарга асосан танланади?
   

2-лаборатория машғулоти
ТТВС ШАКЛЛАНИШ ПРИНЦИПИНИ ЎРГАНИШ


Ишнинг мақсади
Импульслар синхронлашиши ва сўниши ҳамда тасвир сигналидан тўлиқ ТВ сигнал (ТТВС) шаклланиш жараёнини ўрганиш. ТТВС ўлчамлари ва унинг таркибини ўрганиш.
Вазифа
1. ТТВС шаклланиш методларини ўрганиш.
2. ТВ қабул қилгич синхронлашиш сигнал шаклини ўрганиш.
3. ТТВС нинг асосий таркиб ва ўлчамлари билан танишиш.


Асосий ўрганиладиган масалалар
1. Тўлиқ телевизион сигнал шаклланиш методлари.
2. ТТВС нинг асосий таркиб ва ўлчамлари.
3. ТВ қабул қилгич синхронлашиш сигнал шакли.
4. Ишда фойдаланиладиган генераторлар вазифаси.


Ишни бажариш
Ишни бажариш жараёни монитор экранида пайдо бўлган ахборотлар, шунингдек, ТТВС шаклланиш жараёнини ёритувчи осциллограммни қайд этиш ва ўрганиб чиқишга олиб келади.
Методик шарҳлардаги кўрсатмаларга ДИҚҚАТ билан ёндашинг, ишни бажаришда қийинчиликларга дуч келсангиз ўқитувчига мурожаат қилинг.
Таянч уч панеллдан иборат. Чап томондаги панелда кириш коммутатори, DVD-қурилма синов сигналлари генератори ва “Тармоқ” тумблери жойлашган. Қурилманинг ўрта панелида тадқиқ қилинаётган мослама ва ёрдамчи блоклардан (масалан, сатр танлаш учун осциллограф блоги) иборат амалий ишни акс эттиришга мўлжалланган дисплей жойлашган. Дисплейнинг чап, ўнг ва паски қисмида турли манбалардаги сигналларни тадқиқот схемасига узатувчи ёки тўлиқ КТ ўлчов асбоби (осциллограф) га олувчи уя жойлашган. Уя чиқишда ишлаётган вақтда тўлиқ КТ нинг исталган манбасини ёқиш таъқиқланади. Дисплей пастида жойлашган бешта бошқарув тугмачалари схеманинг турли ўлчамларини (масалан, кучайтиргич коэффициентини кучайтириш) ўзгартириш ёки ёрдамчи блокларни (масалан осциллограф блогидаги сатрлар рақами) созлашга хизмат қилади.
Ўнг томондаги панелда видеомонитор жойлашган бўлиб, у композит ёки компонент видеосигналлардан иборат видео тасвирларни кўрсатишга мўлжалланган. Видеомонитор панелида “ПЦТВС”, “R”, “G”, “B” уялари, “ПЦТВС/RGB” тумблери, видеомонитор созламаларини бошқариш тугмачалари (“киришни танлаш”, “меню”, овоз тугмачалари +/- (менюда ўлчамларни ўзгартириш ва юргизиш учун қўлланилади), канал танлашнинг “юқорига”/“пастга” тугмачалари ва видеомонитор энергиясини ўчириш тугмачаси жойлашган.
Ишда фойдаланиладиган генераторлар: