Текст проекта 24247-(24247)

project.gov.uz
11.11.2020
57
тўловлари фақат ушбу темир йўл станциягача амалга оширилган ташиш учун ҳисобланади ва
ундирилади;
б) юк янги етказиш манзилидаги темир йўл станциясидан ўтиб кетганда
ва темир йўл (инфратузилма эгаси, ташувчи) уни худди шу етказиш манзилидаги темир йўл
станциясига қайтарганда, юк ушланиб қолган темир йўл станциясигача бўлган ташиш
тўловларидан ташқари, юк ушланиб қолган темир йўл станциясидан янги етказиш манзилидаги
темир йўл станциясигача юкни ташиш учун тўловлар ҳисобланади ва алоҳида ундирилади;
в) юк дастлабки етказиш манзилидаги темир йўл станциясидан узоқроқда жойлашган янги темир
йўл станциясига ёки юкнинг дастлабки йўналишида жойлашмаган темир йўл станциясига
жўнатилиши лозим бўлса, ташиш тўловлари дастлабки етказиш манзилидаги темир йўл
станциясигача ёки юк ушланиб қолган темир йўл станциясигача ва юк ушланиб қолган ушбу
темир йўл станциясидан янги етказиш манзилидаги темир йўл станциясигача ташиш учун алоҳида
ҳисобланади ва ундирилади;
г) юк жўнатиш темир йўл станциясига қайтарилиши лозим бўлса, ташиш тўловлари юкни
қайтариш темир йўл станциясигача амалга оширилган ташиш
учун ва ушбу темир йўл станциясидан жўнатиш темир йўл станциясигача амалга оширилган
ташиш учун алоҳида ҳисобланади ва юк жўнатувчидан ундирилади.
209. Дастлабки юк жўнатувчи томонидан ўрнатилган соз пломбалар мавжудлигида янги ташиш
ҳужжатлари бўйича юкни манзилини ўзгартириш пломбалар ечилмаган ҳолда амалга оширилади.
Ташиш ҳужжатларида юк номи тагидаги графада манзилни ўзгартиришнинг ариза берувчи
томонидан “Вагон дастлабки юк жўнатувчи ўрнатган соз пломбалар билан манзил ўзгартирилди”
деган ёзув киритилади.
Манзилни ўзгартиришнинг ариза берувчи дастлабки пломбаларни ечиб, янги пломбаларни
ўрнатган ҳолда юк манзилини ўзгартириш ҳуқуқига эга.
Юкларни дастлабки ташиш ҳужжатлари бўйича манзилни ўзгартириш дастлабки юк жўнатувчи
пломбалари ечилмасдан амалга оширилади.
210. Ҳайвонлар ва паррандаларни ташишда манзилни ўзгартириш давлат ветеринария хизмати
органлари билан келишилиши лозим. 
211. Бузилиш, шикастланиш, камомад аломатлари мавжуд бўлганда, носоз пломбалар
ўрнатилганда, ҳарорат режими ва шамоллатиш тартиби бузилганда, йўл давомидаги темир йўл
станцияларининг далолатномалари тузилганда, ташиш шартлари бузилиши аломатлари
кузатилганда, шунингдек, вагонда техник носозликлар аниқланганда юклар манзилини
ўзгартириш рухсат берилмайди.
212. Манзилни ўзгартиришнинг барча ҳолатларида темир йўл (инфратузилма эгаси, ташувчи)
томонидан юкни манзилини ўзгартириш учун ўрнатилган тарифларга биноан тўловлар
ҳисобланади.
213. Манзилни ўзгартириш темир йўл станциясида юк жўнатувчи
(юкни олувчи) бўлмаган ҳолларда, манзилни ўзгартириш темир йўл станцияси томонидан умумий
шаклдаги далолатнома тузилиб, унда янги етказиш манзилидаги темир йўл станциясида
ундириладиган барча тўловлар (манзилни ўзгартириш, маневр иши тўловлари, ҳужжатлар ва
тўловларни расмийлаштириш, вагонлар туриб қолгани ва контейнерлар ушланиб қолгани учун
жарима) кўрсатилади.

---