Текст проекта 24247-(24247)

project.gov.uz
11.11.2020
114
ҳолда белгиланади.
480. Отлар вагонларда вагоннинг бўйлама ўқига параллель равишда бошлари эшикларга
қаратилган ҳолда жойлаштирилади. Тўрт ўқли вагоннинг
ҳар бир ярмида отлар икки қатор қилиб жойлаштирилади.
Кузатувчи ўтиши учун ўрта қаторларда четдагиларга қараганда битта от кам жойлаштирилади.
Отларни тақаси олиб ташланган ҳолдагина ташишга рухсат берилади.
481. Қора мол вагонда кўндаланг ёки бўйлама усулда жойлаштирилади.
Кўндаланг усулда ортишдан олдин вагоннинг бўйлама деворидаги олинмайдиган тахталарга
шуруплар ёрдамида темир халқалар (ёки скобалар)
1 – 2 бош жониворга мўлжаллаб маҳкамланади.
Вагоннинг ён деворларида вагоннинг эни бўйича олинмайдиган тахталарга вагон олди
деворларига тираб ётқизиладиган ҳар бири иккита тахтадан иборат токчалар ўрнатилади.
Қора мол ортилганидан кейин вагоннинг эшиклари ўрнида панжаралар ўрнатилади. Қора молни
бўйлама жойлаштириш усулида вагонлар отларни ташишда қўллангани каби жиҳозланади, бироқ
эшик тахталари ўрнига эшик ўрнига панжаралар ўрнатилади.
Қора мол махсус вагонларга фақат кўндаланг усулда ортилади.
Қўй, эчки, бузоқ, чўчқа ва ёш қора моллар вагонга боғланмасдан ортилади.
482. Буқа ва сигирлар, қўй ва қўчқорлар, эркак ва она чўчқалар,
шунингдек, ҳар хил турдаги жонивор ва паррандаларни битта вагонда биргаликда ташишга,
қоидага кўра йўл қўйилмайди.
Алоҳида ортиш имкони бўлмаган ҳолларда ҳар хил жинсдаги ва турдаги жонивор ва
паррандаларни битта вагонда ташишга уларни тўсиқлар билан
бир–биридан ишончли равишда ажратган ҳолдагина йўл қўйилади.
Чўчқаларни қишда ташқаридаги ҳаво ҳарорати Цельсий бўйича минус
25 даражадан паст бўлганда, массаси 100 кг дан ортиқ бўлган йирик семиз чўчқаларни ёзда
ташқаридаги ҳаво ҳарорати Цельсий бўйича плюс 25 ва ундан юқори даражада бўлганда ортишга
йўл қўйилмайди.
483. Майда жониворлар катак ва яшикларда бир нечта қават қилиб ташилади. Юқоридаги катак
билан вагон томи ва ён деворлари орасидаги оралиқ 0,2 метрдан кам бўлмаслиги лозим.
Яшиклар ва катаклар вагон бўйлама деворлари бўйлаб жониворларни парваришлаш ва
шамоллатиш учун оралиқ масофа қолдирилиб ўрнатилади. Яшиклар ва катаклар туби ёпиқ
бўлиши ва ортилгандан сўнг ишончли маҳкамланиши лозим.
484. Ёввойи жониворлар ва ҳайвонларни вагонда ташиш темир йўл (инфратузилма эгаси,
ташувчи) томонидан ҳар бир ҳолат учун алоҳида белгиланган шартларда давлат ветеринария
хизмати органи ва юк жўнатувчи билан келишилган тарзда амалга оширилади.
Мўйнали жониворлар турига қараб метал катакларда ёки метал панжарали эшикка эга бўлган
мустаҳкам тахта катакларда ташилади. Катакларнинг эшиклари ўз–ўзидан очилиб кетмайдиган,
мустаҳкам ва қулф билан бекиладиган бўлиши лозим.
485. Юк жўнатувчилар, етказиш муддатларидан келиб чиққан
ҳолда, жонивор ва паррандаларни бутун йўл давомида сифатли ем ҳамда тагига солиш учун

---