Текст проекта 24247-(24247)

юк поездларини шакллантириш режаси
– техник станциялар ўртасидаги манёвр иши
тақсимланишини оптималлаштириш ва юкни етказиш муддатларига риоя этиш асосида вагонлар
оқимини тоифаси ва етиб бориш манзили бўйича поездларга ташкил қилиш тизими;
юкларнинг ягона тариф–статистика номенклатураси (ЮЯТСН), юкларнинг уйғунлашган
номенклатураси (ЮУН)
–
 
юкларнинг темир йўл ташиш ҳужжатларини расмийлаштиришда
фойдаланиладиган, зарур тарифни аниқлаш ҳамда ташиш тўлови ҳисобини юритиш ва
ҳисоб–китобларни автоматлаштириш учун мўлжалланган номлари ва код белгилари;
юкни олувчи 
–
 
юк ёки юк багажини олиш ҳуқуқига эга бўлган юридик ёки жисмоний шахс;
юкнинг бузилиши – 
ташқи омиллар таъсир этмаган ҳолда табиий хусусиятлари ҳисобига юкнинг
дастлабки сифатлари йўқолиши;
юкнинг шикастланиши
–
 
транспортда ташиш жараёнида юкнинг дастлабки сифатлари
йўқолиши. Ташиш даврида юкнинг яроқсиз ҳолга келиши оқибатида ундан дастлабки белгиланган

---

project.gov.uz
11.11.2020
7
мақсадларда тўлиқ фойдаланиш имконияти йўқолиши.
Ушбу Қоидаларда фойдаланувчи бошқа тушинчалар, қонунчиликда белгиланган қийматларда
қўлланилади.
5. Юк ташувларини амалга ошириш учун темир йўл (инфратузилма эгаси, ташувчи) ва юк
жўнатувчи ўртасида ташиш шартномаси тузилади, унга асосан темир йўл (инфратузилма эгаси,
ташувчи) унга ишониб топширилган юкни бут ҳолда ва ўз вақтида жўнатиш пунктидан
белгиланган пунктигача етказиб бериш мажбуриятини ўз зиммасига олади, юк жўнатувчи (юкни
олувчи) эса ташиш ҳақини тўлаш ва юкни қабул қилишни таъминлаш мажбуриятини зиммасига
олади.
Юкларни ташиш шартномаси темир йўл транспорти юкхатини тузиш йўли билан
расмийлаштирилади.
Календарь штемпели қўйилган юкхати ва унинг асосида ташувчи томонидан юк жўнатувчига юк
қабул қилинганлиги тўғрисида берилган квитанция (халқаро қатновларда – юкхати дубликати)
ташиш шартномаси тузилганлигини тасдиқлайди.
Юкни олувчи юкхатини олиб, йўл қайдномаси ҳамда юк қабул қилинганлиги тўғрисидаги қабул
қилиш–топшириш ҳужжатларини (вагонларни тақдим этиш–олиб чиқиш қайдномалари, қабул
қилиб топширувчининг эслатмаси) имзолагандан сўнг ташиш шартномаси бажарилган деб
ҳисобланади;
6. Ташиш жараёнини марказлашган ҳолда бошқариш ва ташкиллаштириш, юк ташувчиларга
умумий фойдаланишдаги темир йўл траспортида хизматларни кўрсатиш темир йўл (инфратузилма
эгаси) томонидан амалга оширилади.
7. Ташувчи юк ташишга доир мажбуриятларини бажариши учун темир йўл (инфратузилма эгаси)
томонидан тақдим этиладиган умумий фойдаланишдаги темир йўл траспорти хизматларидан
фойдаланади.
8. Темир йўл (инфратузилма эгаси) ҳаракатдаги таркибнинг умумий фойдаланишдаги темир
йўллари бўйлаб ҳаракатланишини техник воситалардан самарали фойдаланиш ва темир йўл
транспортида ҳаракат хавфсизлигини таъминлаш талабларидан келиб чиққан ҳолда таъминлайди,
ташиш жараёни мувофиқлаштирилиши, марказлашган ҳолда бошқарилиши
ва ташкиллаштирилишини амалга оширади.
9. Юк жўнатувчи, юкни олувчи юк ташиш билан боғлиқ бўлган ишларни бажариш учун темир йўл
(инфратузилма эгаси, ташувчи), шохобча эгаси, экспедитор, темир йўл ҳаракатдаги таркиби эгаси
ва бошқа шахслар хизматларидан шартнома асосида техник воситалар, ҳаракатдаги таркиб ва
ҳаракат хавфсизлигини таъминлаш шарти билан фойдаланади.
10. Идоравий темир йўл шохобча йўллари, уларнинг иншоотлари ва мосламалари юкларни бир
маромда ортиш, туширишни (тушириш билан боғлиқ ишларни), юк айланмасига мувофиқ маневр
ишларини ҳамда ҳаракатдаги таркибдан самарали фойдаланишни таъминлайди.
11. Темир йўл (инфратузилма эгаси, ташувчи), ташиш жараёни қатнашчилари ва юкни ташиш
билан боғлиқ хизматларни бажариш ёки ташкиллаштириш учун жалб этилган бошқа шахсларнинг
хизмат ҳақини юк ташиш шартномаси томонлари белгилайди.
12. Умумий фойдаланишдаги темир йўлларда юк ташиш темир йўл (инфратузилма эгаси,
ташувчи) томонидан юк ташиш учун юк жўнатувчидан қабул қилинган буюртма асосида амалга
оширилади.

---