Текст проекта 24247-(24247)

project.gov.uz
11.11.2020
81
билан келишув бўйича, омборларда юк ортиш–тушириш механизмлари, контейнерлар учун қаттиқ
қопламали майдонлар, автотранспорт воситалари
учун кириш йўллари ва зарур хизмат хоналари мавжудлиги шарти
билан контейнерларни алмаштириш паркига эга бўлган контейнер пунктлари
юк жўнатувчиларнинг (юкни олувчиларнинг) омборларида (шу жумладан рельсолди
омборларида) муайян муддатга очилиши мумкин.
Алмаштириш пунктида контейнерлар туриш вақтининг меъёрини темир йўл (инфратулизма эгаси,
ташувчиси) белгилайди.
333. Алоҳида ҳолатларда, эксплуатация имкониятларидан келиб чиққан ҳолда, контейнерлар
билан амалга ошириладиган операциялар учун очиқ бўлмаган темир йўл станциялари ўртасида
контейнерларда юк ташишни амалга оширишга темир йўл (инфратулизма эгаси, ташувчиси)
контейнерлар платформаларга эшиги ташқарига қаратилиб қўйилганда рухсат беради. Бундай
ташишларда юкларни контейнерларга ортиш ёки тушириш контейнерлар темир йўл
платформаларидан туширилмаган ҳолда амалга оширилади.
Бундай темир йўл станцияларида ортиш-тушириш ишларининг тўлиқ хавфсизлигини таъминлаш
мақсадида контейнерли платформаларни жойлаштириш учун автотранспорт воситалари учун
кириш йўлларига эга бўлган ортиш–тушириш темир йўл йўлларидан фойдаланиш мумкин.
Эшиклари ташқарига қаратилган контейнерли платформалар фақат битта темир йўл станциясига
ва битта ёки бир нечта юкни олувчилар манзилига юборилиши учун шакллантирилиши мумкин.
334. Эшиклари ташқарига қаратилган контейнерларга юкларни ортиш
ва тушириш ишлари юк жўнатувчилар ва юкни олувчилар томонидан амалга оширилади.
Ҳар бир юкни олувчи учун контейнерлардан юкни тушириш вақти, берилган платформада битта
юкни олувчи манзилига келган контейнерларнинг бутун гуруҳи учун, юкни олувчига унинг
манзилига юк келганлиги тўғрисида хабарнома юборилган вақтдан эътиборан 4 соат тақдим
этилади. Юкларни жўнатишда худди шундай тартибда контейнерларга юк ортиш вақти тақдим
этилади.
335. Темир йўл станциясининг контейнерлар майдонидан юк ортилган контейнерларни олиб
чиқиш ва уларни юк автотранспорт воситаларида
юкни олувчининг омборига юк тушириш учун етказиш ёки юк жўнатувчининг омборидан юк
ортилган контейнерларни темир йўл станциясининг контейнерлар майдонига автотранспорт
ташкилотлари иштирокида белгиланган манзилга жўнатиш учун етказиш темир йўлнинг
(инфратузилма эгаси, ташувчиси) ваколатли ходими томонидан ёзиб бериладиган КЭУ–4 ва
КЭУ–5 нарядлари
(ушбу Қоидаларнинг 32, 33–иловалари) бўйича амалга оширилади.
Кўрсатилган нарядлар бўйича контейнерларни олиб чиқиш ва олиб кириш темир йўл
(инфратузилма эгаси, ташувчиси) транспорт-экспедиторлик хизматларини кўрсатиш учун
шартнома тузган автотранспорт ташкилотлари томонидан амалга оширилади.
336. Юкни олувчига юк ортилган контейнерни етказиб беришга оид
КЭУ–4 наряди тўрт нусхада тузилади: биринчи, иккинчи ва учинчи
нусхалар – нарядлар, тўртинчи нусха – наряд корешоги. Наряд рақами остида юк
туширишларнинг ҳисоби юритилувчи белгиланган шаклдаги алоҳида китоб
бўйича тартиб рақам кўрсатилади.
Наряднинг барча нусхалари экспедиторга ёки юк автотранспорт воситаси ҳайдовчисига

---