Технологияси

Келиб чиқиши ва тарқалиши. 
Картошканинг ватани Жанубий Америка 
(Перу, Чили, Чилоэ ороли ва бошқалар) ҳисобланади. Чунки, Анд тоғлари ва Тинч 
океани соҳилларида бу экиннинг ҳозир ҳам кўплаб ѐввойи, ярим ѐввойи турлари 
ўсади. Академик С.М.Букасов, С.В.Юзепчукларнинг 1925—1932 йиллардаги 
Марказий ва Жанубий Америкага сафарлари туфайли картошканинг бой генофонди 
тўпланди. 
Профессор Л.Е.Горбатенконинг таъкидлашича, ҳозирги вақтда картошканинг 
211 та тури маълум. Америкадан (Чилидан) картошка 16 аср ўрталарида Испанияга 
келтирилиб, ундан Европанинг бошқа мамлакатлари Италия, Франция, Голландия 
кабиларга тарқалган. Россияга картошканинг келтирилиши Пѐтр I номи билан 
боғлиқ бўлиб, 17 аср охирларида Голландиядан Камчатка, Аляскага олиб келинган. 
Бироқ у 19 аср ўрталарида бизда кенг тарқалди.
Ўзбекистонда картошка 150 йилдан бери экилмоқда. Картошкачилик дунѐ 
деҳқончилигида ривожланаѐтган тармоқ бўлиб, экин майдони 1991 йилда 17,7 млн 
гектар бўлган бўлса, 2006 йилда 3,1 млн гектарга кенгайди. Ялпи ҳосил эса 265,9 
млн тоннага кўтарилиб, ҳар гектардан ҳосилдорлик 16 тоннани ташкил этмоқда. 

---

89 
Картошкачилик ривожланган мамлакатлар Россия (4,4 млн. га), Хитой (4 млн. 
га), Польша (2,2 млн. га), Германия (0,7 млн. га), АҚШ (0,5 млн. га) кабилар 
ҳисобланади.
Дунѐнинг еттита мамлакати Голландия, Бельгия, Буюк Британия, Дания, АҚШ, 
Германия, Швейцарияда ҳар гектардан олинадиган картошка ҳосилдорлиги З50—
400 центнер ва ундан зиѐдни ташкил этади. Энг кам ҳосилдорлик (50—60 ц. га) 
Перуда олинади. Ўзбекистонда мутақилликкача картошка майдони 40 минг 
гектарни ташкил этган бўлса, 2006 йилга келиб 52,4 минг гектарни, ҳажми эса 351,2 
дан 1015,1 минг тоннагача ошиб, ҳосилдорлик 2 марта кўтарилиб, гектаридан 19 
тоннани ташкил қилди. Аҳоли жон бошига ҳар йили 45-50 килограмм картошка 
ишлаб чиқарилмоқда. 
Самарқанд 
вилояти 
Республикамизнинг 
картошкачилик 
ривожланган 
вилоятларидан ҳисобланади ва унга етиштириладиган картошканинг 25 % улуши 
тўғри келади.