Техник конструкциялаш ва моделлаш

Markazlashmagan  issiqlik  ta’minoti  tizimlari.    Markazlashmagan  issiqlik 
ta’minoti  tashqi  issiqlik  tarmog‘iga  qo‘shilmaydi.  Isitish  va  issiq  suv  ta’minoti  mahalliy 
taqsimlash tizimi issiqlik quvurlari minimal uzunlikka ega. Isitish uchun, ba’zan issiq suv 
ta’minoti uchun ham issiqlik energiyasining iste’molini issiqlik generatorlari ta’minlaydi. 
Manbadan  olinayotgan  issiqlik  bevosita  isitish  tizimiga  yoki  issiq  suv  ta’minoti  tizimiga 
uzatiladi.  
Mahalliy  issiqlik  ta’minotida  issiqlik  generatorlari  sifatida,  organik  turga  kiruvchi 
barcha  turdagi  yoqilg‘ilarda  (qattiq,  suyuq,  gazsimon)  ishlovchi,  qozon  va  qozon  – 
plitalardan;  gazsimon  yoqilg‘ida  ishlovchi  havoli  isitishga  ega  muxtor  kalorifer 
qurilmalaridan;  elektrokaloriferlar,  elektr  nurlagichlar  va  elektroradiatorlardan,  hamda 
issiq suv ta’minoti uchun egri quvurlar o‘rnashtirilgan pech va plitalardan foydalaniladi.  
Ish  rejimiga  ko‘ra  issiqlik  ishlab  chiqaruvchilari  davriy  harakatli  va  uzluksiz 
harakatli  bo‘ladi.  Binolarning  isitish  manbaini  issiqlik  rejimini  davriy  ravishda 
harakatlanishi  sutka  soatlari  bo‘yicha  haroratning  o‘zgarishi  bilan  harakterlanadi. 
Avtomatik  rostlashlarsiz  uzluksiz  harakatli  manbalardan  doimiy  xizmat  ko‘rsatish  talab 
qilinadigan joylarda foydalaniladi.