Техник конструкциялаш ва моделлаш

Tizimni  tozalash  va  sozlash.  Isitish  tizimining  joriy  ta’miriga  quyidagilar  kiradi, 
quvurlar,  jihozlar,  armaturadagi  sizishlarni  bartaraf  qilish,  istish  jihozlarining  ayrim 
seksiyalari,  jo‘mraklarni  almashtirish:  ochiq  yoki  sovutilgan  joylarda  bo‘lgan  quvur  va 
jihozlar, kengaytirish baklarini sovuq o‘tkazmaydigan qilishi: quvurlardagi teskari nishablikni 
bartaraf  qilish:  qo‘shimcha  mahkamlash  joylarini  o‘rnatish:  mavjud  osma  va  ilgaklarni 
mahkamlash:  teskari  nishablik  yoki  havo  tiqinlarini  (qoplari)  bartaraf  qilishning  imkoni 
bo‘lmagan  joylarga qavo chiqarish jumraklarni o‘rnatish: boshqarish uzeli va  qozonxonadagi 
buzuqliklarni  bartaraf  etish:  buzuq  bo‘lgan  kontrol-o‘lchash  jihozlarini  tekshirib  ko‘rish  va 
almashtirish:  kengaytirish  baklari,  kirtutgichlar,  elevatorlar,  bosim  va  rostlash  armaturalari, 
havo  yig‘gichlarni  yuvish,  tozalash  va  bo‘yash,  tizimni  yuvish  (har  yili  isitish  mavsumi 
tugagach) va uni rostlash.  
Kapital  remont  qilishda  quvurlar  almashtiriladi,  isitish  jihozlari,  suv  isitgichlar, 
nasoslar, boshqarish uzellari, qozonlar almashtiriladi yoki tuzatiladi.  
Tuzatilgan  tizimini  foydalanishga  qabul  qilish  uni  ko‘zdan  kechirish  va  tuzatishning 
texnik hujjatlariga to‘g‘ri kelishini tekshirib ko‘rishdan boshlanadi.  
Sistemani  yuvilgandan  so‘ng  u  gidravlik  usulda  sinab  ko‘riladi.  Sistema  issiq  faslda 
sinab ko‘riladi. Sinashdan  oldin barcha  bosim armaturalari, shuningdek  havo  yig‘gichlardagi 
jo‘mraklar ochib qo‘yiladi. Sistemaga gidropress ulanadi va u teskari magistral orqali suv bilan 
to‘ldiriladi. Sistemadan havo butunlay chiqib ketishi uchun u suv bilan asta-sekin to‘ldiriladi. 
Havo  yig‘gichning  ventellarida  suv  paydo  bo‘lishi  bilanoq  ular  berkitiladi  va  giropress 
vositasida  sistemada  ish  bosimidan  1,25  marta  ortiq  bo‘lgan  bosim  vujudga  keltiradi,  5  min 
dan so‘ng bosim 0,02 MPa dan oshmasligi lozim.  
Sistema  sinovdan  o‘tkazilgandan  va  qabul  komissiyasiga  topshirilgandan  so‘ng  isitish 
mavsumi boshlanguncha sistema konservatsiya qilib qo‘yiladi. Buning uchun sistema issiqlik 
tarmog‘idan tozalangan suv bilan to‘ldiriladi.  
Isitish  sistemasi  isitish  mavsumi  boshlanganda  quyidagicha  rostlanadi.  Binoni  isitish 
sistemaning  kirish  joyidagi  zadvijkalar  ochiladi  va  issiqlik  elitgichga  uzatiladi.  So‘ngra 
magistral  quvurlar  bo‘ylab  yurib,  barcha  stoyaklar  pastki  nuqtalarning  isitishi  tekshirib 
ko‘riladi.  Haddan  tashqari  qizib  ketgan  stoyaklarda  jo‘mraklar  bir  oz  berkitilib,  barcha 
stoyaklardagi  teskari  oqayotgan  suv  harorati  bir  xil  bo‘lishiga  erishiladi.  So‘ngra  ortiqcha 
qizigan  asboblarining  jo‘mragi  berkitish  bilan  qavatlardagi  isitish  asboblarining  bir  tekis 
isitishga  erishiladi.  Bunda  harorat  isitish  asbobining  o‘rtadagi  seksiyasida  stoyakdan  bir 
muncha  uzoqroq  joyda  aniqlanadi.  Agar  binodagi  harorat  hisoblanadiganiga  qaraganda 
1….20S o‘zgarsa isitish sistemasini sinash tugagan hisoblanadi.