Техник ижодкорлик ва конструкциялаш”

АМАЛИЙ МАШҒУЛОТ
1-модул. 1-Мавзу. Фаннинг мақсад ва вазифалари. Хавфсизлик техникаси қоидалари. Кириш. Масштаб линейка ясаш (1:5).
Фаннинг мақсад ва вазифалари. “Техник ижодкорлик ва конструкциялаш” фани талабаларни назарий билимлар, амалий кўникмалар, умумий ўрта таълим мактаблари технология фани сервис хизмати йўналиши бўйича тикувчилик буюмларини тайёрлашда ўғил болалар, қиз болалар, аёллар ва эркаклар кийимларининг чизмаларини чизиш, асос чизмага фасон чизиқларини киритиб – моделлаштириш қоидаларини, моделлаштирилган кийимнинг 1:5 масштабда макетини тикишни, бу билан талабалар келажакда керакли ўлчамдаги кийимларни андазасини мустақил чиза олишларини, ўзлари хоҳлаган турли хил фасондаги кийимларни асос чизмага асосан моделлаштириб тика олишларини ўргатади. Технологияга оид ҳодиса ва жараёнларга назарий, амалий ёндашув ҳамда илмий дунёқарашини шакллантириш вазифаларини бажаради.
Фанни ўқитишдан мақсад - талабаларга техник ижодкорлигини ривожлантиришнинг ижтимоий - педагогик муаммолари, техник ижодкорлик фаолиятининг ташкилий асослари, техник ижодкорлик масалаларини ечиш методлари, дизайн ва моделлаштириш, техник моделлаштириш ва конструкциялаш, ўқувчилар техник ижодкорлиги фаолиятига раҳбарлик қилиш, синфдан ва мактабдан ташқари муассасаларда техник ижодкорлик фаолиятини ташкил қилиш, ўқувчилар техник ижодкорлигини ривожлантириш каби масалаларни ўргатиш вазифасини бажарадилар ва уларни амалиётда татбиқ этиш кўникмасини ҳосил қиладилар.
Талабаларга сервис хизмати бўйича конструкциялаш ва моделлаштириш бўлими мазмунида технология фанини 5-9 синфларда ўқитишда тикувчилик буюмларини конструкциялаш ва танланган фасон асосида кийим фасонларини ўзгартириш, яъни, моделлаштириш ва кийим макетларини тикиш бўйича билим, кўникма ва малака ҳосил қилиш.
Фаннинг вазифаси - давлат таълим стандартига асосан талабаларда назарий билимлар ва амалий кўникмалар, малакаларни шакллантириш орқали инсоннинг ҳаётдаги ўрни ва аҳамиятини очиб бериш кўникма ва малакаларини шакллантириш.
Сервис хизмати бўйича конструкциялаш ва моделлаштириш бўлими мазмунида технология фанини ўқитишда тикувчилик буюмларини, яъни, аёллар, болалар, эркаклар кийимларининг асос чизмасини конструкциялаш ва моделлаштириш ва кийим макетларини тикишга оид кўникма ва малакаларни шакллантириш.