Техник ижодкорлик ва дизайн фанининг назарий (лекция) машғулотлари мазмуни

2.91-chizma 
Qo`ng`izcha merejka (2.91-chizma, b). Bu merejkaning kengligi 
xuddi o`ram merejkadek bo`ladi. Qo`ng`izcha merejkada 3 tadan 
ustuncha 
bog`lanadi, 
bunda 
bog`lamdan 
bog`lamgacha 
ip 
o`tkazilmaydi. Ignadagi ipni birinchi ustuncha chetida puxtalanadi, 
merejka enining yarmigacha 2 martadan o`raladi. Ustunchalarni ip 
o`rtasidagi ustuncha ustidan va birinchi bilan uchinchi ustuncha 
tagidan o`tadigan qilib to`rlanadi. 
Shu ipdan uchinchi ustuncha ustida halqa hosil qilib, ignani 
ustunchalar tagidan o`tkazib, halqa ichidan chiqariladi. Ipni taranglab 
ignani ustuncha tagiga kiritib, ipdan hosil qilingan halqa ichidan 
chiqarib, ikkinchi tuguncha tikiladi. Keyin bog`lamning uchinchi 

---

~ 218 ~ 
ustunchasi o`rab chiqiladi, gazlamaga bitta qaviq tushirib (chetidan) 
merejkaning o`rtasigacha ikkinchi bog`lamning birinchi ustunchasi 
o`raladi. 
Bo`g`ma merejka (2.92-chizma). Bu merejka uchun gazlamada 
ikkita yo`l sug`uriladi, ularning orasida sug`urilmagan ip qoldiriladi: 
oldin 4 ta ip sug`urilib, 3-4 ta ip qoldiriladi, keyin yana 4 ta ip 
sug`uriladi. Gazlamada qolgan yo`lning ikki tomoni baravar popuk 
qilib tikiladi. Gazlamaning o`rta yo`lida ipni puxtalab, pastdan 
yuqoriga qaratib (yo`lga ko`ndalang) qaviq tushiriladi. Teskari 
tomonda ipni yuqoridagi chap tomondan pastdagi o`ng tomonga 
diagonal bo`ylab o`tkaziladi, gazlama yo`lidan pastroqqa birinchi - 
vertikal qaviqdan to`rtta ip naridan chiqariladi. O`ng tomonida ipni 
o`ngdan chapga yo`naltirib gorizontal bo`ylab, teskari tomonda esa 
ikkinchi diagonal bo`ylab: pastning chap tomonidan yuqoridagi o`ng 
tomonga o`tkaziladi. Ipni taranglab merejkaning o`ng tomonidan 
o`ngdan chapga yo`naltirib, gorizontal qaviq tushiriladi. Teskari 
tomonda ipni yana birinchi diagonal bo`ylab joylab, gazlama yo`lidan 
pastroqdan birinchi popukning o`ng tomoniga chiqariladi. 
2.92-chizma 
Merejka yupqa gazlamaga oddiy ipda (60-70-raqamli) yoki 
zichroq to`qilgan, masalan, lavsan aralashgan zig`ir tola polotno 
gazlamalarga oq yoki rangli mulina ipda (4 qavat) tikiladi. Jun 
gazlamaga merejka jun ipda yoki gazlamadan sug`urib olingan ipda 
tikiladi. 
Bo`g`ma merejka ko`pincha boshqa murakkabroq merejkalarda, 
masalan, о‘ram merejka, to`shama merejka va hokazolarda uchraydi. 
Bu merejka enli merejkaning ikki tomondagi chetiga yaqin joyda 
tikiladi. Bo`g`ma merejka kiyim chetlarini popukka o`xshatib 
bezatishda ham ishlatiladi.